Günüň dogýan ýurdy diýlip atlandyrylýan,bu ýurt Ýuwaş ummanynyň içinde ýer alýan bir uly adada ýerleşýär. Ýaponiýa sözi kenji şekilleri bilen güneş diýmekligi aňladýar.Geografiki ýerleşişi boýunça Gündogar Aziýa ýurdy hökmünde tanalýar. Gündogarda Ýuwaş ummany bilen günortada Gündogar Hytaý deňzi arkaly Taýwan,Hytaý,Koreýa Respublikasy, Koreýa Halk-Demokratik Respublikasy we Russiýa Federasiýasy bilen serhetleşýär.
Ýaponiýa 6852 adadan ybaratdyr.Iň uly adalary Honşu,Hokkaido,Kýuşu we Şikoku bolmak bilen ýurduň 97 göterimini eýeleýär.Ýaponiýa Indoneziýadan soň dünýäniň ikinji iň köp ilatly ada ýurdudyr. Adalaryň agramly bölegini daglar we wulkanlar eýeleýär.Ýaponiýanyň iň belent dagy Fuji Dagy bolmak bilen ol aslynda wulkan diýlip hem tanalýar.
Ilatynuň 98.5%-i ýaponlardan ybarat bolup,dünýäniň iň köp ilatly 10-njy döwleti hökmünde tanalýar. Metropol şäherli bilen giňden tanalýan bu ýurduň paýtagty Tokýo şäheridir. 30 milliondan gowrak ynsanyň ýaşaýan bu şäheri dünýäniň iň iri şäherleriniň biridir.
Ýurduň dolandyrylyşy monarhiýanyň parlamentar görnüşinde dolandyrylýar. Ýurduň başynda imperator durýar,döwletiň başynda ýagny döwleti dolandyrýan Premýer-Ministrdir.
Ýaponiýa soňky 2 asyrda birnäçe uruşlary başyndan geçirdi.Birinji Hytaý-Ýapon urşy, Rus-Ýapon urşy we 1-nji dünýä urşy,ikinji Hytaý-Ýapon urşy we 2-nji dünýä urşy.
Ýaponiýa bilim we ylymda,saglykda,ýokary derejeli tehnikalary,elektron enjamlary öndürmek dünýäde ilkinjileriň hatarynda ýer alýar. Ýurduň içinde atom elektrik stansiýalary ýurduň energiýasynyň 50%-ni üpjün edýär.