Salam agzajanlar, oňatmysyňyz, oňat bolsaňyz bolýar. Meň ýagdaýlammy? Aý boljak, bir mydar bar. Siz soranyňyz bäri ganymat indi. Ýaňy @Pegas aga bir blog açypdyr. Okadym, okap utandym. Elbetde ol oglan uly şahyr ýöne, edil öz pikir edişi ýaly ul-a däl entek. Aýtmagyna görä, Suraý Babanyýazowaň goşgularyna düşünmeýän adam, poeziýa düşünenokmyşyn. Bu zenanyň zehinlidigini öňem köp aýdypdym, gaýtalap oturjak däl. Ýöne bir şahyry (ol kimem bolsa) poeziýaň derejesine çenli ýokary götermek, oňa düşünmedikler poeziýa düşünmeýär diýip mowzuk açmak näderejede dogruka. Döwründe Kerim aganam, Gurbannazar şahyram düşünmedikler, olary tankyt edenler tapylypdyr. Ýöne olar öz ýolunyň dogrulygyny, öz zähmeti, yhlasy, zehini bilen subut eden adamlar. Olaryň hiç birem galamdaş ýoldaşyny goramak üçin (ýallaklamak diýip düşünýän menä) ony beýik poeziýaň deňine çenli beýgeltmändirler. Sebäbi bir şahyr hiç haçan poeziýaň derejesinde beýik bolup bilmez. Muňa ol halypalar gowy düşünýärdi. Indi aýdyň eger Suraý Babanyýazowa (ýa-da islendik başga şahyr) bolmadyk bolsa, onda poeziýamyzyň derejesi peselermidi. Ýok! diýip jogap berýän men-ä. Sebäbi biz beýik poeziýaň, bolup bilsek, bir çagalary ýaly bolup bileris. Çagasynyň manysyzja sözlerine düşünmedigiň bilen beýik poeziýa düşünmezligiň arasynda ulurak tapawut barmyka diýýän. Pegasyň bu reklamalaryny näme sebäpden edýändigini onuň ynsabyna goýýas, ýöne bir şahyry beýdip çendenaşa öwüberseň, öňküje ýazýanynam ýazmazmyka diýýän. Eger sözlerim agyr degen bolsa, poeziýa düşünmeýänleriň adyndan ötünç soraýaryn...