Adamyň ägä bolmagy we şeýlelik bilen ýalňyşlyk göýbermezligi örän wajyp ýagdaý. Sada we sowatsyz adamlar ynanjaň we yňdarma bolýarlar. Gadymylaryň aýytmagyna görä, ähli işde ýedi ölçäp bir kesmek zerur.
Haýsydyr bir ýaramaz işi edip ony düzedip bolmaýar. Biriniň göwnüne degip, onuň ýüregine düşüren ýaraňy bejerip bolmaýar. Men dogry sözli, men bilýärin, men okumyşly diýip, islän sözüňi aýytmak, islän hereketiňi etmek bolmaýar.
Hemmäni aýamak gerek. Hemmäniň hormatyny ýerine goýmak gerek. Men adam, men diňe adamlary sylaýaryn diýip, öz ýoluuna barýan garynjany depelemezlik gerek.
Adamlar ýalňyşlyk göýberýärler. Adamlar gyzmalyk edýärler. Olaryň bu ýagdaýyny nazara alyp, assajykdan bir nukdaý nazara gelmek gerek. Aýratynam janly-jandarlar bilen iş edilende, olayň tarapynda duryp geplemek gerek, çünki janly-jandarlar söz arkaly özlerini gorap bilmeýärler. Mysal üçin, it adamy dişlän bolsa, derrew iti günäkärläp, adamy aklap bolmaz, çünki adamyň özünde aýyp bolandyr, itiň ony dişlemeginde. Edil şu nukdaý nazardan, bir zat gelip çykýar. Sähel
bir bahana tapyp, jandarlary soýup öldürmezlik gerek. Her bir jandaryň ýaşasy gelýär. Jandarlarda hem adama mahsus bolan perzent söýme häsiýeti bolýar. Enäni we atany öz perzendinden aýyrmazlyk gerek. Olaryň arasyna düşmezlik gerek. Özüňe islemeýän ýamanlygy başgada isleme. Wagt geçip gidip, eden ýamanlyklaryňa göz ýetirip ahmyr edip ýöreme!. Onsoňam hemme zat tölegli. Eden ýamanlyklaryň gaýdyp gelip özüňe degse näme etjek. Käbir adamlara we şol sanda käbir jandarlara degip bolmaýar. Olar biziň bilmeýän we duýmaýan gudratlary bilen goralýar. Kim bilen iş salyşýanyňa üns ber. Hemmäni bir aýakdan tutma. Öz gazanjak sogabyň barada oýlanma. Özge sogap gazanar ýaly ýagdaýlary döret. Öň aýdyşym ýaly, jandarlara ýagşylyk edip sogap gazanjak bol! Olardan gazanan sogabyň belki adamdan gazanan sogabyňdan ýokarydyr. Şuny nazarda tytyp, jandaryň ömrüni aýa. Olardan sogap gazanjak bolp olary öldürme. Meniň size aýdyp, güýjüm ýeteni şu. Meniň jandara ýagşylyk edip bilenimiň çägi şu. Bir möjegäm öldürme!