Robotlar barada kinolar düşürýärler, robotlary adama ýakyn edip görkezýärler. Hamala adama meňzeş robody ýasama kyn däl ýaly? Bu zatlaryň barsy Hudaýa garşy işleýär, "adama meňzeş zady ýasamak kyn däl" diýen ideýany adamda berkidýär. Ine hä diýmän adamzadyň özi hem, özine meňzeş bir zat döreder, diýmek adam hem Hudaý. Hakykatda adamy döretmek kyn, eger adam organizmi barada gowja oýlansaň, oň (Hudaý tarapyn) elde ýasalany görünip dur, bu ýerde hiç hili ewolýusyýaň yzy ýok. Onsoň adamlaryň bizi beýdip kim ýasadyka diýen pikirine gapma garşy pikir bolar ýaly, gumanoid robotlar baradaky temany wagz edýärler, hamala emeli aňy we adamy döretmek çözüp bolmajak mesele däl ýaly? Hemişeki ýaly Beýik Ýaradyjyň gudratynyň täsirini gaçyrjak bolýarlar. Hakykatda bolsa, emeli aňy döretmek mümkin däl. Men 1968-nji ýylda ýazylan, kibirnetika degişli bir kitap okap gördüm, şol kitabyň mazmunyndan çen tutsyň, islendik emeli aň, diňe bir daşyndan gelýän informasyýa görä jogap berýän tablisa, ýa-da matrisa, başga hiç zat däl. Emeli aň hiç haçan, özini şahsyýet hökmünde duýmaýar we ýer ýüzüni basyp almaýar we şoňa meňzeş hereketler etmeýär. Köpçülikleýin habar beriş serişdelerden dökülýän islendik informasyýa, diňe Hudaýa garşy işleýär, ýöne örän inçe işleýär.

Indi zombi medenýeti barada aýdaly, dogrymy aýtsam näme üçin bize zombylary görkezýärlerkä diýip men köp oýlandym we iň soňunda şeýle netijä gäldim:

Kyýamat barada ähli dinlerde informasyýa bar. Hristýanlarda "sudny den" diýýärler, adamlaryň ählisiniň direljek güni. Elbetde bu habar adamlary azajyk bolsada howatyrlandyrmaly. Diniň şol pikirine garşy bolar ýaly, zombi medenýeti öňe sürülýär. Mollalar, kyýamatda ähli adamlar direlmeli diýýär, telewizor bolsa siz zombi ýaly bolup direlersiňiz diýýär. Aňsyz we beýnisiz jandarlar ýaly, onsoň şeýle jandarlary nädip Hudaý sud etsin? Adamlar direlme temasyny eşden wagty, olaryň kellesinde zombiň şekili oýanar ýaly edil bar zatlar. Aňy ýok jandardan bolsa, soragam ýok. Zombi temasy, kyýamatda direlme temasyna gapma garşy çykarlan tema bolmaly?

Elbetde zombi we emeli aň temasy meň pikirimçe öz özünden adamlaryň beýnisinde işlänok. Mysal üçin zombi kino gören wagtyň, kelläňde kyýamatda biz şeýdip oýanarys diýen pikir döränok. Şeýle pikiri adamlaryň kellesine, kapyr jynlar oklaýan bolmaly? Dogrysy şeýle tilsimatlary ulanmagam jynlaryň özi oýlap tapan bolaýmasa? Adamzat öz oýlap tapan pikirine diýseň buýsançly garaýar. Aýtjak bolýanym, adamlary ýalňyş dünýägaraýşa, ýuwaş ýuwaşdan itýärler, adamlar hamala şol ýalňyş dünýägaraýşa özleri gelendir öýder ýaly.
Ýer ýüzünde altynyň nirä gidýäni belli däl, ol barada senem eşdensiňiz? Altyny yzyny üzmän gazýarlar, ýöne ony hiç ýerde ulananoklar. Altyn hiç ýerde ýok, diňe bezeg hökmünde ulanylynýar. Ýöne altynyň bolsa, ony islendik hökümetde satyp bolýar. Diýmek bir ýerde altyny kabul edýän ýer bar bolmaly? Ol ýer altyny näme edýär bize eýýäm belli däl. Dogry, köne bir kitapda altyndan gurulan jaýlar barada habar bar, ýöne ol habar hem ýarym ýalanmyka diýýän? Altynym ykbaly barada mende bir pikir bar, ýöne örän fantastiki bolup eşdiläýmese?

Eger çakym çak bolsa, şeýtan we oň nökerleri, masonlar we başga toparlar. Altyndan we başga çüýremeýän materýallardan äpet robotlary ýasaýarlar we ýeriň aşagynda gizläp goýýarlar. Eger çakym çak bolsa, kyýamat güni şol robotlar ýeriň aşagyndan çykmaly we perişdeler bilen söweşmeli. Kyýamatdan öň Beýik Ýaradyjy ýer ýüzüne äjit mäjitleri göýberip, ýer ýüzünde birje tanly jemende goýanok. Soň wagtyň, ýa-da başga bir güýjiň täsiri bilen, Hudaý başga zatlardan hem dynýar, aýdaly şäherleriň yzlaryndan, ýadygärliklerden. Garaz adamzadyň ýaşanlygynyň ähli yzlaryndan. Diňe altyn ýaly metallar hiç hili täsirsiz galmaly? Eger ýalňyşmasam, kyýamat güni, ýeriň aşagynda gizlenip ýatan altyn robotlar oýanmaly we perişdelere topulmaly. Şeýle robotlar biziň döwürmizden bäri döredilip gelinýän bolmaly? Ýer ýüzüniň ähli altyny şoňa gidýän bolaýmasa? Elbetde şeýtan şeýle usul bilen perişdeleri ýeňip bilmejegiji bilýär, ýöne kyýamat güni şeýle tomaşa bilen, Hudaýa ynanmaýanlaryň sanyny ep esli artdyryp boljak, şeýtanyň islegem şol. Umuman alaňda şeýtanyň edýan işleriniň köpüsi, diňe kyýamat güni, ýa-da dowzahda öz hasylyny bermeli. Şeýtan bu dünýä üçin känbir işlänok eken...

Hel boý kinoň 2 bölüminde Altyn goşun bar, eger ýalňyşmasam, şoňa üns berip görüň...
©Rahman Zulfikarow