Sen heniz bu syry bilýänem dälsiñ,
Hyýalyña gelmez, belki, çaklasañ!
Ony diñe öz ýanymdan çaklasañ,
Kalbymyñ has çuñ ýerinde sakladym.

Bukdum görer gözden, eşder gulakdan,
Gizlin syrlar mende däl beýle känem.
Saña aram-aram bakdym uzakdan,
Daşyñda pyrlanýan ýalydy älem.

Sen bir desse bägül, ysyñ jana noş,
Jemalyñ aklymy çaşyryp barýar.
Sen bir pyýala şerbet,
men bir göwnühoş,
Içdigimçe işdäm açylyp barýar.

Sen basan möhürim sözlerim bilen,
Muña şaýat Zemin, şaýat bolar wagt.
Nirä baksam seniñ gözleriñ bilen,
gözlerme intizar seredip dur Bagt.
Sen heniz bu syry bilýänem dälsiñ!..

Ysmaýyl TAGAN.