Ynha meniñem buýyl talyp bolanyma 2ýyl bolýa. Men Türkmenistanyñ Magtymguly adyndaky unwersitetinde okaýan.Täze ýyl dynç alyş günlerini öýümde maşgalam bilen geçirip şugünem Aşgabada gelip durşumdy. Ýatakhanama baryp zatlarymy goýansoñ men garrylar öýüne barmalydym. Atamyñ bu dünýäden ötenine 1 ýyl boldy, şoña ejem biraz mukdarda pul berip garrylar öýne sadaka hökmünde bermegimi tabşyrdy. Men gapydan girdim. Kabulhana baryp ol ýerde otyran gyza ýagdaýymy düşündirdim, ol az wagt garaşmagymy haýyş etdi. Men garaşyp otyrkam gapydan bir garryja daýza girdi. Saçlarynyñ aklygy ýalygynyñ aşagyndan mese-mälim bolup görnüp dur. Gözleri asman ýaly gök, takmynan 80 ýaş töweregindedir. Ol kabulhana giren badyna otyran gyz:"Daýza bugünem hiçzat ýok" diýdi. Daýza bir ýylgyrdyda yzyna öwrülip gitdi, ýörände sag aýagyny agsaklap agsaklap barýardy, birdenem ýykyljak boldy menem şol bada ýerimden turup onuñ ýanyna bardym:
–Dur, daýza kömek edeýin. Seresap boluña
–Ganatsyz guşa kömek edip bilmersiñ.
Men yzyna jogap berip bilmän seredip galypdyryn. Işimi dynyp ol ýerden gaýdansoñ daýzañ aýdanlary meni oýlandyrdy näme üçin beýle diýeni bilen gaty gyzyklandym. Ertir okuwymdan soñ ýene şol ýere baryp kabulhanadaky gyzdan düýñki daýzany soradym.
–Hä, siz Gülbäbek daýzany aýtýañyzmy? Ol gaty agyr günler geçiripmiş diýip eşitdim, aýtmyşlara gòrä gözleriniñ owadanlygy kakasyndan geçipdir. bir ogly bar, şol hat ýazdymy ýa-da jañ etdimi diýip günne gelip sorar.
–Hmm, dogry. Özi bilen gürleşip bilerinmi?
–özi islese, elbetde, geliñ.
Biz kolidorda ýöräp otaglaryñ iñ sonuñjysyna bardyk. gyz gapyny kakdy.
–Daýza siziñ bilen biri görüşmek isleýä?
–Kim ol?
Men gapydan girdimde salamlaşdym.
-Salam, Salam! Howwa saña näme gerek?
-Düýn siz "Ganatsyz guşa kömek edip bilmersiñ" diýipdiñiz şonuñ sebäbini sorajakdym, eger aýdyp berseñiz?
Ol biraz dymdy we gök gözleri bilen meni boýdan aşak göz gezdirip synlady
-Sen okaýañmy?
-Howwa, Magtymguly unwersitetinde okaýan. Adym Aýna, Özüm Daşoguz welaýatyndan. 2000-nji ýyl.
-Tüweleme.— diýdi-de oý pikirlere batdy. Seret gyzym onda men saña näme üçin şeýle diýenimi gürrüñ bereýin...

Dowamy bar.
14.12.2021 22:44