Ullakan şäherde janyn yananýan
Bir dostum bar,
Aman bolsun,sag bolsun!
Ullakan şäherde meni ýigrenýän
Bir adam bar,
Aman bolsun, sag bolsun!

Bu şäherde meni ýakyn saýyp
Ýören del adam bar,
Başy dik bolsun!
Bu şäherde meni keseki saýyp
Ýören ýakynym bar,
Başy dik bolsun!

Bu şäherde meni söýüp ýören bar.
Sag-salamat bolsun,
Minnetdardyryn!
Meni görse ýüzün sowup ýören bar.
Sag-salamat bolsun,
Minnetdardyryn!

Başga bir tanyşym bar,ýagşy-ýamandan
Hiç kime hiç bir zat diýenogam ol!
Sebäbi hiç kimi ýigrenenogam,
Ýöne hiç kişini söýenogam ol!

Takdyr meni şu adamdan gorasyn!
Beýikler maňa o diýen ýat däl!
Köpi gören bu köneje bir dünýäde
Ýigrenmek diýeniň täze bir zat däl!