Näzlim gelýär,boýdaşlary daşynda,
Şelpesi owazly gupba başynda,
Goşa mary şöwür çekýär döşünde,
Bar-baýlygyñ goragynda sak durup.

Bir göremde heserlendi ýaş başym,
Asmanda pelpelläp uçyar bagt guşum,
Göwnümde beslänim,ol galam-gaşym,
Ýüregimde yşk oduny ýakdyryp.

Gyz mährini süññüm bilen syzýaryn,
Duşuşmagyñ arzuwynda gezýärin,
Tarypyna goşgy-gazal düzýärin,
Kalbynda muhabbet gülün ekdirip.

Eli çeper,deñ-duşuna görelde,
Göýaki jadyly senet-gural-da,
Köñülde besläni çitilýär gölde,
Gözleri özüne haýran bakdyryp.

Eda bilen sözlän sözi mylaýym,
Ykbalymyz goşulyşsyn, ylaýym,
Saña ömür hemdem bolup galaýyn,
Yşk derýasyn möwçli,joşly akdyryp.

Durmuş ýoly gülgüzarly,tikenli,
Bagty guçup,geçilen ýol ýakymly,
Döwran sürsek ajap menzil-mekanly,
Geljegmize şanly ak ýol çekdirip.