Akyl alyň!
Sebäp ony alýan ýok.
Akylhana bolaýmasa serinde,
Ony saklap bolanok,
Amanat kassanyň depderçesinde...

Alyň!
Sebäp gerek däl ol hiç kime.
Aylanyp geçýäler onuň deñinden,
Akyl satyp ýören kändir, siz diñe,
Alyň ony satylmaýan ýerinden..

Ýolda yatan pully gapjyk däldir ol,
Däldir ýaşlaň şagalañly agşamy.
Ýeñil ýaşaýyşda derkarmy eýse,
Onuň beýnä könemöwrit agramy...

Akyllam,
Akmagam,
Almaýar akyl!
Ak bazarda gara şaýy bahasy.
Gerek däl mahaly siz ony alyň,
Sebäp tapdyrmaz ol zerur mahaly..

Nobatguly Rejepow