Ýüz görülýän aýna bakma sen, uýam,
Kalbyň gözelligin bilmez ol açyp.
Durmuş keşbiñe däl, ýüregiñe görä
Eder ýoluň ýagty, bagtyňy açyk.

Bolsa bolsun, ýüzüñdäki hal-menek,
Gyýylma gaşlaryn çytýan gedeme.
Biribar beýle-de birehim däldir,
Seni bagtlylykdan mahrum edere.

Isleseň, kül-owram etde aýnany,
Ýere ur, ýüregiň gyýylan wagty.
Aýnadaky keşbe berilýän bolsa
Birentek gözelleň çüwerdi bagty.

Ayna däl, kalbyňa, ýüregňe gara,
Ol seni aýna deý görkezer aýan.
Seň ýanyňda bagtly bolmak nämemiş,
Ýüz görülýän aýna ynanma, uýam!

Goçmyrat Orazberdiýew