Öñünden syzyşym ýaly üç aýlara kör köpüksiz girdim. Ýeke teññelik zat gazanmanam geçirip barýan. Ýok men elektron manatlar, şakyrdap duran ýüzlikleriñ gürriñini edemok. Meñ pikir edýän zadym has çuñ. Ýandagyñ kökleri ýaly. Ýandak nirden kellä geldi diýsene. Beton diwarlary ýaryp, maskamy aýryp, rentgen kagyzlarymy ýyrtyşdyryp, "özime gelişmänem durmady!" Diýip halansyran operasiýa eşigmi kinolardaky ýaly ylgap barýarkam egnimden sypyryp, şaglap duran gara ýollar bilen däl, ganatlarym bilen bir öwran dagdan aýlanyp, Garaguma eñesim gelýär. Eý, Hudaý, bir döwür diñe ruh saglygna ýykgyn ederdim. Tut ýaly sag döwürlerim. Indi bolsa, menem il deñinde aýaklansam, berhizlerden, çäklendirilmelerden sypynsam, ejem ýaly selälige turup, iýesim gelenje zatlardan arkaýyn iýsem, soñam agzymy açsam özümden monça bolup diýýän. Ana şonda bu keselçilikde ýitiren kglarymam, çöken göwnimem ýerine geläýjek ýaly. Şonda, Jepbar Hansähet halypañ sazlary köñlüme gussa, gözlerme ilden ogryn ýaş däl-de buýsanç bolup dolaýjak ýaly... Rejep atly tanyş-u-ilen-çalanlar ýadyma düşýär...ýazasym gelýär haçandan bäri. Şujagazyñ yzyny dowam etmäge-de ysgynym ýok. Ah. Kän zat. Şeýlebir kän zat aýdasym gelýär. Urulýan ukollar, berilýän tabletkalar, kökümi köwleýän ýaly... lukmanlar mähirli, şepagat uýalary adyñy soraman bilýäler. Gürletmän düşinýäler. Bar zat arassa. Ak. Bir men. Diñe ýekeje özim mamamlañ gapysyndaky garry tut ýaly garalyp barýan. Birdenem özimi Jepbar halypañ elindäki gara gazma öwrilip barýan ýaly duýýan... birden bolsa ölimem göziñe yssy görinýär. Men ol ýerden gözläp taparyn diýip, bulaşyk añyma adam atlary girýär: "Ýesenin, Gurbannazar, N.Halmämmet, G.Ford,  Jepbar Hansähet, Gara batyr..... " olar gaty kän... birden ukallaryñ güýjinemi nämemi agyrylar aýrylýar. Ölüm-sowuk. Hyýalymdaky adamlar bolsa gapdaljygymda. Hat-da gulagmyñ agzynda. Jepbar halypañ elleri ýetişibildiginden saz çalýar. "Teşnid", "Berkeli çokaý"... añymda Mylly aga ikisiniñkini deñeşdirjek bolýan. Añam bir şeýtan zat. Bar durkym bilen saza berilýän...
Soñ Magtymguly (Garly)aga gelýär: "Ah bile ötürdüm ýazy-güýzüni-i-eý!"...
Kimdir birleri geñirgenýär. Soñam borçlaryny bitirip ýanymdan çykýarlar. Olar maña düşinenok... menem olara...

@ÖTEGÇI  08.fewral.2022ý  13:24