Gowy bolupdyr. Hanym @Belki.
Manada gosgy duzup berersina

Goşguñ awtory @Belki däl hormatly Fan B.

Iň soňky iki setir gowy kompliment eken

Pegas,üstümden gülmäñ welin,komplimentiñ nämedigini bilemok :(

hoşamaý söz; taryp; öwgi.

Senmikan diydim hanym @Belki bagyslañ

Ok,Pegas ve Fan B.

Tuweleme

Janaaaa, ömrüň bolsun Mahymjan. (Aýdaý şoňa, meň adymdan)
Begenjimiň çägi ýokda. Meni diýseň toldundyrdy bu goşgy.

Näme diýeýin,halady diýeýinmi?
Az halady diýeýinmi ýa köp halady diýeýinmi? :)))

Belki,
Belki menem şu ýere nan haltamy alyp geläýsem näder :)

“Diýýäñ "Synansamam bilemok ýazyp"
Şygyrlara atygsaýañ,gyssanýañ.”

-Hawa, şygyr ýazmaga şeýle höwesim bar. Emma ukybym ýok. Soňky günler-ä gaty howlukýan ýazmaga.

“Haýrandyryn.Jomart goja tebigat
Neçüýn senden ylhamyny gysganýar?!”

-Şoňa menem haýran. Meň Mahymdan nämäm kem-kä?! :) (degişýän)

“Gaýyp ýören kebelek deý ylhamy
Tutjak bolýar berdaşlyja gollaryñ.
Ah,bileñok,duýman durkañ inmese,
Kowalaýan ýüreklere gonmaz ol.”

-Garaz, kowalamazlygy maslahat berýäň-dä. Şu gollaryma agşam biraz tutan ýaly şol ylhamdan, ýazdym birzatlar.

“Ýogsam, ýüregiñdir aýyñ bölegi,
Ruhuñ yşk şanyna ýazylan mukam.”

-Ol seniň ruhuň gözelligidir joramjan. Şeýle pikiriňe, öwgiňe minnetdar!

“Göwnüñ hakda ýazylyp ýör şygyrlar,
Seçelenýär misli toýuñ pişmesi.”

-Hawa, @kalp_doctory, @talyp_gyzy jigilerim sag bolsun. Her giremde begendirýärler, ýürekleriniň owazy bilen. Şol sanda bu goşgy adyma bagyşlanan 3-nji goşgy. Öňkileri bilýänsiňiz. Maňa bagyşlap ýazan agzalara çäksiz minnetdar. Siziň owadan ýüregiňize döneýin. ?

“Ylham almaýarsyñ,berýärsiñ ylham.
Joram,bulam ykbalyñ bir peşgeşi.”

-Eger hakykatdanam şeýle bolsa, onda men öz adyma-da begendim. ?Ylhamyňyz bolmagam meni bagtly edýär.
Goşgy üçin ýene bir gezek çäksiz minnetdar joramjan. Galamyňa, ýüregiňe, elleriňe saglyk. Elmydama galamyň ujy ýiti bolsun. Kalbyňdan çykýan setirleriň yzy üzülmesin.?

Aksary,geliberiñ ýer giñiş :)))

Kööööpppp halady diý. Ýene garaşýan diýdi diýäý. :)) (gözüm doýanokda goşga)

Goshgy gowy bolupdyr. Ana yene bir agzany ruhlandyrdynyz,sheydip gownuni galkyndyryp duruñ.

Joram,goşgy diýlen zat ýazjak diýip ýazylmaýar.Ol Allahyñ bir bagyş eýleýän peşgeşi.Ýöne men-ä sen irde-giçde ýazyp bilermikäñ diýýän.
Ylham bermek meselesine gelsek,Mahym dañdan turanda seniñ saýtda ýazan sözleriñi okapdyr.Şolbada-da setirler serine gelipdir.Jemlemäniñem öz-özi gelipdir.Diýmek sen hakykatdanam ylham berýän bolmaly.Çünki,Mahym ylham gelmese goşgy ýazyp bilenok.
Ýazan goşguñam goýaý şu ýere.Göreli.

Wah uyamjan sozlerine doneyin ,Senin ucin shiriin janym bereyin,Ak yurekli,mahrem sozli,Eneshim hemishe men senden ylham alayynNirvana,

Mendede goshgy yazmaga howes barda ukyp yok ya yuze cykaryp bilemok.

Belkijan bu goşgymtyk goşgymyň üstünden güläýmegin. Sebäbi, ilkini gezek sözleri birikdirip setire geçirip görýän. Emma, isleýşimçe bolmady. Hany, senem okap gör. Soň üstümden güldürmänjik pozaryn. :)

Tikenli söz bolup çümdi kalbyma,
Soňky duşuşykda aýdan sözleriň.
Ol gün diliň awy saçsa-da hernä,
Gussadan pürepir nurly gözleriň.

Penjireden wagtyň akyp gidişin,
Synlaýan gözümi geçmişe aýlap.
Näçe gynansamam, heläk bolsamam,
Ýöräp barýan ýollaň gowusyn saýlap.

“Men bagtlymy?” Sowal içim gemirýär,
Pikirlerden pikirlere çümýärin.
Hawa- ýok, sözlerle ýapragy tirip,
Öz gözgyny halyma hem gülýärin.



Arabaglanşyk ýokdyr görseň :))

Men-ä gaty haladym Eneş jan.Çynym bilen aýdýan.Baglanyşyk bar.Liriki gahrymanyñ söýen kişisi bilen bolan duşuşygyndaky içki duýgulary,gapma-garşylykly pikirleri örän gowy beýan edilipdir.Şuny özüñ ýazandygyñy aýtmasañ,aşagynda haýsydyr bir kämil şahyryñ adyna garaşardym.
Indi iki-ýeke tankydym bar:
Penjireden wagtyñ akyp gidişin
Synlaýan gözümi geçmişe aýlap.

Eger sen penjireden synlap oturan bolsañ gözüñ geçmişe aýlap bilmersiñ.Çünki gözüñ penjirededir.Belki,"serimi geçmişe aýlap"diýmelidir.

"Hawa-ýok sözlerle ýapragy tirip,
Öz gözgyny halyma hem gülýärin"

Türkiýede okamagyñ täsiri bolsa gerek.Arasynda türk sözlerini ulanýañ:"Sözlerle" däl-de "sözler bilen"bolmaly.Beýtseñem bogun artjak.Şol ýerini täzeden işleseñ nädýär Eneş hanym?! :)))
Umuman alanyñda goşgy super bolupdyr.Ilkinji synanyşygyñmy?Başlangyç şeýle bolsa,indikiler nähili borka?
Berekella,joram.

Şol ýerde “serim” sözi ýada düşmedi. Nazarym diýjek boldum, olam gözüme meňzeş. Garaz, oýlandyrdy şol ýeri.
“Sözlerle” sözler bilen diýmekçidim. Aýdyşyň ýaly bogun artykmaç gelýär.


Hawa, ilkinji gezek synanyşdym. Ondan başga-da, ýeňil her setirde 3 sözli boşgujyklar ýazan bolýan aram-aram. Olaram göwnüme ýaramansoň, pozýan.

Minnetdar analiziňe :)

Şol ýurdy ýazmala däldiň gyz :)

Belki,
Gussadan pürepir nurly gözleriň.

Gözler nurly,ýöne gussadan pürepir :)

Umuman alanyñda gowy

Gülmäýä dogan :)

Men gülmedimä,ýylgyrdym!

Gülmek şuññalak bolýadämäý. :))?

Nurly adamyň gözleri gussaly bolup bilmezmi?!
Olaňkam hemişe şatlykly däldir-le.

Penjireden wagtyň akyp gidişin,
Synlaýan gözümi geçmişe aýlap.
Näçe gynansamam, heläk bolsamam,
Ýöräp barýan ýollaň gowusyn saýlap.

Şu ýerde penjire bilen başlap ýöräp barýan diýmegem gelşiksiz.


Garaz, bahaň zordan 2-lik Nirvana. Getir gündeligiňi. Saňa geregem şol baha. Indiki sapaga taýýarlanyp geleriň ýaly gowy bolar.

Hawa, şoňňalak bolýar. :)

Siziñ bu diýýäniñize düşündimle dogrusy,ýöne siz hoşroý diýmediñiz,ýüzi nurly diýmediñiz,gözi diýdiñiz,gòzi :)

Men azajyk saýtyñ abyn tabyn alaýyn,onnoñ düşünişýäs Nirwana

Hemem indiki goşgulañda garaşÝAS !