Joram Eneşe

Diýýäñ "Synansamam bilemok ýazyp"
Şygyrlara atygsaýañ,gyssanýañ.
Haýrandyryn.Jomart goja tebigat
Neçüýn senden ylhamyny gysganýar?!

Gaýyp ýören kebelek deý ylhamy
Tutjak bolýar berdaşlyja gollaryñ.
Ah,bileñok,duýman durkañ inmese
Kowalaýan ýüreklere gonmaz ol.

"Çyndan söýseñ ýazylarmyş goşgular
Ýa men hiç kimsäni söýmedimmikäm?"
Ýogsam, ýüregiñdir aýyñ bölegi,
Ruhuñ yşk şanyna ýazylan mukam.

Göwnüñ hakda ýazylyp ýör şygyrlar,
Seçelenýär misli toýuñ pişmesi.
Ylham almaýarsyñ,berýärsiñ ylham.
Joram,bulam ykbalyñ bir peşgeşi.

Mahym NURGELDIÝEWA.

13.02.2022 ý.
06:32.