Belli alym Mäti Kösäýew 1988- nji ýylyň 15-nji iýulynda "Edebiýat we sungat" gazetinde çykan makalasynda täsin bir wakany ýatlapdyr. Ol şeýle:"1926-njy ýylda Baýramaly şäheriniň ýolbaşçylary şäheriň köçeleriniň tozanyndan-çaňyndan dynmak üçin, Soltan Sanjar ýadygärligini ýykyp, kerpijini ýola düşemek kararyna gelýäler.Bu habar Respublikanyň MÝÝKniň ýolbaşçy wezipesinde oturan G.I.Karpowyň gulagyna ýetýär. Orta asyr taryhy we medeni ýadygärlikleriň älem ýüzünde iň naýbaşylarynyň biriniň beýle harap edilmeginiň öwezini dolup bolmajak ýitgi, tutuş nesilleriň öňünde ötülmejek günä boljagyna anyk düşünýän adam beýle gödekligiň derrew öňüni alýar."