Tutuş musulman dünýäsinde we türkmen topragynda mukaddes Oraza aýy dowam edýär. Ýene-de sanlyja günden 30 günläp dowam eden mukaddes Oraza aýynyň tamamlanandygyny alamatlandyrýan Oraza baýramy belleniler. Berkarar döwletimiziň bagtyýarlyk döwründe Oraza baýramy milli däp-dessurlarymyza, gadymy adatlarymyza laýyklykda, giňden bellenilýär. Bu baýram gününde ak mermerli paýtagtymyzda, eziz Diýarymyzyň ähli şäherdir obalarynda halkymyzy has-da jebisleşdirýän, bagtyýar nesillerimizde ynsanperwerlik we watansöýüjilik duýgularyny terbiýeleýän baý mazmunly baýramçylyk çäreleri geçirilýär.

Oraza ýa-da Remezan baýramy ýaşaýşa joşgunlyk goşýan, duýgularyň belende göterilýän, begenç we şatlyk bilen garşy alynýan mübärek baýramçylykdyr. Baýramçylyklaryň jemgyýeti jebisleşdirmek taýyndan ähmiýeti örän uludyr. Gadymy döwürlerden bäri her bir halkyň özüne mahsus baýramlary bolupdyr.
Baýramlaryň, mübärek günleriň we gijeleriň tutuş maşgala bolup bellenmegi, aýratynam çagalaryň milli däp-dessurlara goýýan hormatynyň we ruhy kämilliginiň artmagy üçin juda ähmiýetlidir. Bu hem kiçi ýaşdan başlap, çagalarda öz milliligini goramak, olara buýsanmak düşünjesi ösýär.
Oraza baýramy güni irden turup, ýuwunmak, dişleriňi arassalamak, ýakymly ysly atyrlar sepinmek, arassa we täze eşikleriňi geýmek baýramyň edeplerindendir. Remezan baýramynda namazdan öň hurma ýaly süýji zatlar iýip metjide gitmek has sogaplydyr. Türkmençilikde-de Oraza baýramynda birek-birege “Namaz-orazalaryňyz kabul bolsun!” we “Sadakalaryňyz kabul bolsun!” ýaly ýagşy dilegler etmek däbe öwrülipdir.
Bu rehimdarlyk çäresi milli Liderimiziň türkmen halkynyň köpasyrlyk ruhy ýörelgelerine, şeýle hem Berkarar döwletimiziň bagtyýarlyk döwründe “Döwlet adam üçindir!” atly şygary öz işiniň baş maksady edip goýan hormatly Prezidentimiziň döwletimiziň her bir raýaty hakyndaky yzygiderli aladasynyň beýanyna öwrüldi.