Aýzek Azimowdan hikmetli sözler

Taryhy proses şeýlebir derejä ýetdi, indi adamzada duşmanlyk etmek, ýowlaşmak mümkin däl. Ýerdäki adamlar hökman biri birleri bilen dostlaşmalydyrlar. Men şu garaýyşy eserlerimde aýratyn öňe sürýän...
***
Bolýar, adamlar biri birini halaman bilerler, ýöne olaryň arasyndaky ýigrenç duýgusyny hökman ýok etmeli.
***
Ylmy fantastika ähli adamlaryň birleşmegine kömek etjek esasy uguryň biri diýip ynanýan.
***
Biziň ylmy fantastik eserlerde gozgaýan meselelerimiz bütin adamzadyň möhüm meseleleridir...
***
Her bir adam islän zadyna ynanybersin, ýöne hemmäniň bir zada mejbury ynandyrylmagyna garşydyryn.
***
Ylymda beýan edilen iň gowy söz ,,Ewrika" däl, “Ynha bu örän täsin”-dir.
***
Eger nahar süýji bolsa ol zyýanlydyr.
***
Jogapkärçilik – agyr iş däl.
***
Geljekde-de kitabyň ornuni hiç zat eýeläp bilmez, edil geçmişde hem eýelenmedigi ýaly.
***
Adamzat taryhyna düşünmek kyn. Kiçijik üýtgeşmeler beýik netijeleri getirip çykarmagy mümkin.
***
Beýik Ýaradyjy ählimizi söýýär, ýöne hiç birimizden haýran däl.
***
Gahary gelýän adamyň sögünjine gynanmaň. Eger, ol biraz rahatlanyp ýene sögünse onda gynanyp bilersiňiz.
***
Durmuşda birnäçe sowallara dogry jogap bermekden gyzykly iş barmyka?
***
Ulalanymyzda biz üýtgämizok, diňe ýaşymyz ulalýar we ýygyrtlarymyz köpelýär. Emma, muňa gynanyp oturasy iş ýok.
***
Eger lukman maňa bäş minut ömrüm galanyny aýtsa, howsala düşmän, tizräk bir zatlar ýazyp galmaga synanyşardym.
***
Kem diýeni, umuman ýok diýenden gowydyr.
***
Adamlar özlerini goňşularyndan gowyrak, medeniýetleri gadymy we beýik, başga ýerlere ýaýran iň gowy häsiýetler özlerinden geçen, ýamanlyklar bolsa başga ýurtlarda dörän, diýip hasaplamaga öwrenen.
***
Garramagy hem bilmek gerek. siz garradygyňyz saýyn mylaýymrak, adamlara mähirli boluň. Esasysy, töweregiňizdäkiler
siziň durmuşda rahat ýaşaýandygyňyzy görsünler.
***
Söýgi babatynda özüňizi gynamaň. Ýönekeý ýol tutuň, ýagny söýýäniňize söýýändigiňizi aýdyň. Söýmek we söýülmek nähili gowy.
***
Jemgyýetiň başynda durjak robot döredilse, ol iň gowy syýasatçy bolardy. Robotehnika kanunyna görä, ol adamlara zyýan ýetirip bilmezdi, ýamanlyk we parahorlyk etmezdi. Ol garramazlygyny we ölmezligini bilse-de, öz wagtynda işden çykardy.
***
Ilki oýla, soň gürleme.
***
Seni kim diýip hasaplamaklary däl, sen özüňi kim diýip hasap etmegiň möhüm.
***
Ynam akyldan üstün.
***
Ýaşaýyş – ýitirimler zynjyrydyr. Ýaşlygyňy, ene-ataňy,
dostlaryňy, saglygyňy we ahyrynda ýaşaýşyň özüni hem ýitirýäň.
***
Fantast ýazyjylar näme
edýänlerini özleri hem anyk bilmeýärler, Olaryň köpçüligi öz döredijiligini gün-güzeranyny aýlamak üçin
edýänini aýtsada, emma meniň üçin
olar – nämälim we howply geljege
bakmaga het edýän
adamzat gözleridir.

Taýýarlan: Sapargylyjow Baýramgylyç