Yagshylykda ile ozün tanadan
Alkysh alyp,derejesi zor bolar.
Yaman bolup yagshylygy unudan
Öz yzzatyn gidir, itden hor bolar.

Melul bolar myradyna yetmedik,
Müynli bolar hak emrini tutmadyk,
Öz ryzkyna hic kanagat etmedik,
Gözün diker kishi ashyna zar bolar.

Her kim yamanlasa deñi-dushuny,
Özi müshgil eder asan ishini,
Kim dargatsa akyl bilen hushuny,
Eder ishin bilmez, shermisar bolar.

Bil, bikemal bolar bady añylan,
Biygtyyar bolar goly dañylan,
Goreshde yykylyp, jeñde yeñilen,
Ici doly namys bile ar bolar.

Gayraty kem bolar gahary azyñ,
Depgini pes bolar matamda sazyñ,
Öyüne barsañyz bir biniyazyñ,
Yüz tutsañ, gysylar, göwni dar bolar.

Kim belany satyn alsa bashyna,
Reşk edip, rakyplar gecer dashyna,
Tokuş etse, kim basharmaz ishine,
Söwdasyndan gele bilse, âr bolar.

Soñy toba etmez yañylyp yazan,
Ot yaksañ gaynamaz bir gury gazan,
Pâhm ediñ,her yerde bir pâli azan,
Yowuz musallata sezewar bolar.

Hazana dönupdir ömrüm ter güli,
Nazaryn pes tutar ilden bergili,
Biykbal, yazykly, yaman görgüli,
Ucraş gelse, bir yamana yar bolar.

Magtymguly,sozle herne bileniñ.
Özuñe kemlik bil aytman öleniñ,
Tarashlap şaglatgyn köñle geleniñ,
Senden soñkylara yadygâr bolar.

Magtymguly Pyragy.
Bellik: kone kitabyndan.