Bar zat ýüregiňi agyrdýar.
Çözülmeýän mesele.

Saňa aýam-günem düşünenok.
Bir çüňkde sessiz eňremek.
Dünýäň ikiýüzlüligine däl,
million ýüzlüligine düşünmek.

Ökünmek.
Gorkmak.
Tisginmek.
Uçup gidip barýan jigeri
köşeşdirmek.
Bile aglaşmak.
Gözüniň ýaşyny
elýaglygyň bilen süpürmek.

Utulmak.
Erkek adam kimin utulmak.
Boýnuňa almak.

Dünýäde mesele kän.
Bir meseläň näçe diýseň çözgüdi bar.

Iň uly mesele:
Çözgüdiň iň haýyrlysyn saýlamak.

Suraý BABANYÝAZOWA.