Niýet edip öz bagtymyň gözlegne,
Çykdym, pikirimi ýürege baglap,
Çolaşyp galdym sähelçe söze,
Özümiň päk bagtym, göwnümi aldap,

Düýpsiz derýa kimin gark etdi durmuş,
Özümi ýitirdim tapmadym çäre,
Kynçylyk düşende, Allany ýatlap,
Çolaşyp galdym çöp-çalam, çöre,

Hiç alaç galmady, ýok başga delil,
Özümi gark etdim, öz elim bilen,
Medet ber Allahym, ýa Rebbim, Jelil,
Dert çekýärin indi, öz dilim bilen,

Nebsim öňe düşdi, köp biljek boldum
Ýöne, köp zady, ýitirdi aklym,
Häzirem şol garjaşyk, dünýä garyşyp,
Azaşdym, Başga bir ugryna akdym,

Goldaw gözläp, el urdym,
tapmadym hiç zat,
Ilende-de tutan zadym, ýekenmi, porruk
Ykbalym ters düşdi, galmady alaç,
Kaýyl boldum nesibä,
etmedim zorluk.

Sütem edenokdy durmuş akymy,
Alyp barýar, meni öz ugry bilen,
Bagtymy ýitirdim, pikirim dagap,
Düşüniň halyma, siz dogry biliň,

Daş töwerek ala-ýaz, men bolsa ýeke
Göwnüm göterilenok, peseldi sussum,
Kä wagt öz-özüme göwünlik berýän,
Remezan azaşma indi bir besdir.
R.Mämetgurbanow