Derýam


Akyp barýarmyň derýam!
Haşallyja kenaryň,
Gaýgylardan saplansam,
Azdan arassalaryn.

Akyp dursaň bolar-la,
Egsiläýseň näderin!
Asla dolup bilemok,
Opgunlaryñ oý ýerin.

GÖRESIM GELDI

Bu gün seni ýat eýledim, söýen gülüm söýgülim,
Sen nirede halyň niçik, seni göresim geldi.
Ýene meni oda saldy, saňa bolan duýgylam,
Sen nirede halyň niçik, seni göresim geldi.

Geçmişi ýada salyp, bu gün çala ýylgyrdym,
Birwagtlar sen bagtyma, şöhle saçýan ýyldyzdyň,
Enaýyja kereşmediň, dürliden dürli näzdiň,
Sen nirede halyň niçik, seni göresim geldi.

Goşgy ýazyp habar isläp, habar alsam halyňdan,
Sen habar gelse geçjek, geçjek ähli zadymdan,
Birje gezek gaýtar diýip, ah çekip ykbalymdan,
Ýada saldym sen nirede, bu gün göresim geldi.

Bir wagtlar seniň bilen, günlem hezil geçerdi,
Eziz söýgä suwsan ýürek, asman sary uçardy,
Şu goşgyny ýazan ellem, inçe biliň guçardy,
Ýada saldym sen nirede, bu gün göresim geldi.

Ýuwaş ýuwaş aýam, günem geçip barýar sepleşip,
Sende galan ýatlamalar, ýitip barýar çetleşip,
Mende galan suratyň bar, şonuň bilen gepleşip,
Ýada saldym sen nirede, bu gün göresim geldi.

Bilýän indi dolanmaýaň, duýýar ony ýüregim,
Şondada meň ykbalymda, sensiň durmuş diregim,
Seň ýoluňa bakyp, bakyp, ýaşa doldy garagym,
Sen nirede halyň niçik, bu gün göresim geldi.

Nirelerde bolsaň-da sen, läläm janyň sag bolsun,
Basan ýoluň şowly bolsun, gyz başyň aman bolsun,
Sensizlikde ýanan ykbal, gurasyn saman bolsun,
Diýip seni ýada saldym, ynan göresim geldi.

OKAP BERSENE

Kakamyrat Rejepowa bagyşlaýaryn

Gülkiden daşlaşan garyp göwnüme,
Güler ýaly goşgy okap bersene!
Gursakda ýaşaýan gaýgy-gamlarym,
Öler ýaly goşgy okap bersene!

Bolgusyz pikiri aňda jemläni,
Karz alynan pula gyz hödürläni,
Ýigrimüçde gördüm, şeýle enäni,
Diler ýaly goşgy okap bersene!

Tanamam sylanym, çäksiz ussadym!
Bolşumdan nägile ýakynym-ýadym.
Ýanymdan daşlaşan, inçe umydym
Geler ýaly goşgy okap bersene!


TÄZESINDEN TÄZESI

Täze küýzäň suwy sowuk, içgin läläm gaýnada,
Jorap çalşan ýaly çalşyp, ýigitleri saýlada,
Ondan gaýdyp, oňa böküp, duraýmagyn bir ýerde,
Şeýdip günüň geçip dursa, utulmarsyň söýgiňde.

Uzyny bar, keltesi bar, agy hemde garasy,
Dadyp görgün hemmesini, üýtgeşikdir miwesi,
Arrygy bar, semizi bar, orta boýly, sarysy,
Aýyp däldir, dadyp görgün tagamlydyr şiresi.

Günleriňi şat geçirgin, ýalançyda dirikäň,
Goý diýseler diýsin saňa, "ol gözeliň ýary kän",
Iller näme diýse diýer, "it üýrer, kerwen geçer",
Bu zatlaram wagtlaýyn, bir wagt ara açar!

Ýagdaýy bar, ýagdaýy ýok, garybyny-baýyny,
Olardanam dadyp görgün, gurup söýgi oýnuny,
Dälisi bar, sähnesi bar, samsygyny-sagyny,
Girip görgün gujagyna, goýaýmagyn kemini!

Il içinde öýleneni, telpek agan garrysyn,
Lak ataýsa ýüz öwürme, armanlary galmasyn,
Ählisiniň işin bitir, galaýmasyn armany,
Ýöne özgä öwretmegin, şeýdip döwran sürmäni.

"Ata kesbi ogla halal", ejeň ýolun ýöretgin,
Söýmeýäne süýken özüň, onda söýgi döretgin,
Hiç kim senden aýyp görmez, sürgün tigriň sypýança,
Namys-ara gulak asma, gezgin bagtyň ýatýança.

Il içinde aýyp däldir, tüýs tapypsyň käriňi,
Gazanç etmäň aýby ýokdyr, razy etgin baryny,
Dörwan sürüp iň soňunda, tabyn edip birini,
Şol hakynda düzüp gitgin, ýalan söýgiň taryny.

HÖKMANMY

Gidip barýan, gatnawy ýok ýerlerden.
Ýañy ýaşy ýeteñkirlän now gyzyñ,
Göwüsbentligi hem aýbyn ýapary,
Zorluk bilen sypyrylan lybaslar,
Düýe, goýun basan çöpde-çörlerde.
Gamyş tutan zeýkanalyñ gyrasy.
Men bu babatynda dillenmän galman,
Heniz ýer ýüzünde barka adalat
Onuñ her bir maddalarny egnimde
ederin ganat.
Hamala bu işi amal edeniñ,
Naçary ýok ýaly ortasy dilik
hemem seniñ soñky barjak ýeriñde,
Asla tanalmaýamyşyn eýgilik.
Näme gerek şeýle niýetdäkiler!
Özüñi öwürmek mysaly gilza,
Wal,şatun hem porşun garaşyp durmyş,
Rehmi inmeýärmiş, çökseñem dyza...

DOWAM EDERMIÑ

Pelekdir bu bir gün, oýnasa oýun,
Şeýle oýna senem, bolmasaň boýun
Çäresiz başyma, atyp gam laýyn,
Kaýyl bolman muňa, taşlap gidermiň
Ýada söýgümizi, dowam edermiň.

Pelekdir bu, bir gün, garaldar bagryň,
Pelekdä bu, bir gün, kül eder ömrüň,
Şeýle ezýetlere, öwrülse döwrüň,
Kaýyl bolman muňa, taşlap gidermiň,
Ýada söýgümizi, dowam edermiň.

Beýle ýagdaý asla, girmesin düýşe,
Pelekdir bu, bir gün, zar eder aşa,
Şonda çydap bilmän, özge bir kişä,
Kaýyl bolman muňa, taşlap gidermiň,
Ýada söýgümizi, dowam edermiň.

Aksary