Tuflimiň sesine ýüregmi deňläp,
Bu günem ýene-de howlugýan işe.
Ertiriň säheri ajaýyp neneň!
Eý, Hudaý!..
Agşamky gussadan galmandyr nyşan.


Ilki salam berýän juda ulumsa,
Ýadyrgamok häzir sowuk nazardan,
Lak atýan ýoldaky eýjejik çaga.
Gül bolan bolsady eger-de göwnüm,
Paýlasym gelerdi her bir ynsana.


Howaň sowuklygam sussum basanok,
Seredip göge,
Garym-gatym bulutlary sermeýän.
Ýodajyk ýasaýan ýörärim ýaly.
Gör-le muny!
Gussam ýeňläberse, uçjak ekenim.
Soňam batly ses bilen:
“Adamlar!
Men sizi söýýän ekenim!”
(Allajanym, kesä çekmäbilsedi...)
Wiý, men bu sözi içimden diýdim-ä!


Bilbil KAKABAÝEWA