Keýwanydan eştýän igenç, gümürdi,
Içip, serhoş bolan güniň ertesi,
Öýüň için hajathana çöwürdi,
Içip, serhoş bolan güniň ertesi,

Men bilmedim indi näme belläpsiň,
Bir iş edip, balagyňam ölläpsiň,
Üşediňmi?
ýanýan pejäm elläpsiň,
Eştýän sözüm, içen günüň ertesi,

Ýüzüňde-de dyrnak yzy pişigiň,
Ýagyş ýagmyr ýagmasada, eşigiň,
Ö:l-myžžyk, gara batga,
Eşşegiň
Eştýän sözüm, içen günüň ertesi.

Ne boldy, nirede, kim bilen içdiň,
Haýsy, kafelere puluňy seçdiň,
Indi, haýsy gelne gujagyň açdyň,
eştýän sözüm, içen günüň ertesi,

Ne işlärsiň, ne-de bir iş tutarsyň,
Indi uzakly gün turman ýatarsyň...
-Ehh, Allahym şu sözlerden gutarsyn,
Içip serhoş bolan günmiň ertesi.

R. Mämetgurbanow