Yşk başa uranda uçmajak bolsaň,
Asmandan geç ganatdan geç, perden geç!
Görogly deý esräp, göçmejek bolsaň,
Agaýunus periden geç, Hüýrden geç!

Gara daşdan gaýtma, ok deý atylsaň
Bal bile ýag bolgun ile gatylsaň,
Bina galdyr ynsap bilen akyldan,
Hazynaňda altyndan geç, Zerden geç!

Bir ýanda Hudaý bar, bi ýanda şeýtan,
Aralykda bäş gün kylar sen seýran,
Watana, il-ulusa ýetmese peýdaň,
Peýdadan geç, haýyrdan geç, şerden geç!

Toýda arlap, damak ýyrtar pul mesi,
Degirmen ýörüder höküm-hemlesi,
Döwüş güni, howp abanan pillesi,
Sen gerçek sen, Arslan bolup serden geç!

Saparmyrat, göter iliň derdini,
Il depesne götermeýär her kimi!
Ömrüň berdiň, sen ýene-de bergili,
Bu dünýäde merdem ýaşa, merdem geç!


Beýik Saparmyrat Türkmenbaşy