Kakamjan
Sen barkaň arkamda göýä dag bardy,
Gözüň ýumduň, dünýäm doňdy, kakamjan.
Ejemiň gidenem ýetýärdi bize,
Sen bir taşlamaý-da bizi, kakamjan.

Oýan kyblam seniň sözleň gurbany,
Ejiz ýüregimiň sendiň dermany,
Her ýylgyrşyň aňladýardy bir many,
Gözüň açda, gepleşäý-dä, kakamjan.

Diýsene: "Gyzymjan maňa çaý getir"
Öýkelemen, gaharly sözleňden ýetir,
Monça borduň ýazyp bilsem bir setir,
Ýene buýsanç bilen bakaý, kakamjan.

Durmuş dillen! nädip beýle zalym sen,
Ilki ejemi , soňra kakmy aldyň sen,
Maýyrdyňla, öň bir bagtly gyzdym men,
Ykbalym ýylgyrsyn geläý, kakamjan.

Aýna Amangeldiýewa


Kaka!!!

Bu sowuk güýz gününde
benzin ysy siňen elleň
ysy bar, kaka,
mellegmizde bolsa
äpet ädikleň
yzy bar, kaka,
seň gözlerňi,
sözleriňi
ömür unudyp boljakmy?!

Bil, kakamjan!!!
Seni öläýse-de unutmajak
gyzyň bar, kaka!

Suraý Babanyýazowa