Köpi gaýgy , azy şat
Adamzadyñ ýüregi.
Ol tüssesiz ýanýan zat
Adamzadyñ ýüregi.

Duýgyñ bar ýeri içgin,
Gamhanadyr içi giñ.
Güýçli hem ejiz jigim,
Adamzadyñ ýüregi.

Garradyp bilmez zaman,
Söýenine ol rowan ,
Gutarylmaz bir roman,
Adamzadyñ ýüregi.

Şeý diýeýin ýa- da dur:
Biri yssy adadyr,
Kimde Antarktidadyr,
Adamzadyñ ýüregi.

Ähli zada ýeter ol ,
Garynjadan beter ol ,
Köp ýükleri göterer,
Adamzadyñ ýüregi.

Küteler nogsanlarda ,
Görmersiñ herýanlarda ,
Gytalan ynsanlarda !
Adamzadyñ ýüregi.

awtor: Şanazar Hydyrow