Gözlerimde galdyñ siñip,
Aýralyga agladyñmy?
Ýa meni söýýändir diýip,
Öz- özümi aldadymmy?

Gopdy bize apy tupan,
Ýa düýşüñ ýorgudymy?
Söýgimize nokat goýan,
Keç ykbalyñ ýazgydymy?

Sensizlige nädip çydaryn,
Indi maña özgesiñmi?
Sebäp näme, nirde günäm?
Ýa bahana gözlediñmi?

Seniñ üçin açan gülleñ,
Ählisini düzlediñmi?
Söýgi doly uly kalby,
Birazyjyk syzmadyñmy?

Söýgi diýdik düşünemok,
Aslynda bir görgüdimi?
Söýmegi öwretdiñ welin,
Unutmagy öwret indi!

Awtor : Şanazar Hydyrow