Ýazmak hakynda her gezek şo bir jogapsyz soragy: "Nähili ýazaýyn? Nähili ýazyp bilerin?" berýärler. Sorag beren ýa öler ýaly ýazasy gelýär, ýa ýazasy gelýänini bildirmekçi bolýar, iñ bolmanda ýazmaga höwes edýär. Şeýle kişä näme diýip bolar? Oña: "Ýaz! Näme isleýän bolsañ ýaz! Kelläñe gelenini ýaz!" diýýän. Aslynda ony başymdan sowjak bolamok. Hakykatdanam pikirlenýän, ynanýan zadymy aýtmaga çalyşýaryn. Eger ol guýmagursak bolsa, meniñ oña beren pendimiñ içinden hökman özüçe bir zat tapar. Ýazr. Ýazgy ýazýan adam almazdan berýäniñ diñe Allatagala mahsusdygyna ir-u-giç  akyl ýetirer. Hemem näme almalydygyny biler: kitaplar! Ýagny okamak!