Bu ýazlar göwne degmedi...

Bu ýazlar göwne degmedi,
Ak gyşa meňzemediler.
Ýylgyrşym täsin göründi,
Gamlansam geňlemediler.

Salam berdim ynsanlara,
Ynsan dälem unutmadym.
Giň boldum bu dünýädenem,
Gaýyp ýören bulutmydym?!

Diňlenmek arzuwy hemmäň,
Diňlemek weli...
Kim bilýär.
Kä adam bar kemçiligni,
Ýüregi bilen kem bilýär.

Ýürekden söýdüm daşymy,
Söýgä bir mätäçmidiler?!
Ah, bu ynsanlar şonda-da,
Razy bolup geçmediler.

Asman bolup bilmerin men,
Ol arassa, ganat ýaýsaň.
Diýsinler, diýýänlerem köp:
— Menem bir adam bolaýsam...

Gurbanmyrat Saryýew