Biz zat nähili başlasa şeýle hem dowam edýär. Orta mekdebe öwrenşip bilmedim. Ilkinji minutlarda mollym: "Ýazda haýsy miweler bişýär, gyş pasly nähili bolýar" ýaly bolgusyz zatlar samyrdaýar. Iñ bir içýakgynç ýeri bolsa, maý bermän ony-muny düşindirjek bolýar. Mendenem bir zat soraýmasyn diýip, gorkujugymdan ýaña ýüzimi partadan galdyrmaýardym.
Birem aýdym sapagy. :/ Repertuarymyz çagalar üçin niýetlenilen bolar bolgusyzja aýdymlardan ybaratdy. Dogrysyny aýtsam, synpdaşlarmyzyñ ukyplary höweslerinden juda kemter gaýdýardy. Meniñ bolsa hora goşulmaga garşy çykyp, agzymy ýumýandygym üçin,  gysgajyk arakesmelerde mollymym adymy tutup özüçe sungata çekmek isleýärdi. Utanjymdan ýaña ýer-ä ýarylanokdy, menem giremokdym. Menden, öýde Şostakowiç diñleýän menden: "Bagjagazlar, güljagazlar.." diýip aññyrmagyma garaşýardylar. Näme-de bolsa tersmilletdigim hemem aram-aram içimde köwsarlaýan tupanyñ ýüzüme çykýandygy üçin, mugallym meni körzehin hasap edip, ýüregime bagryma düşmesini goýbolsun etdi.