Geçen günlerimiz ahmyrda goýup,
Aglama gijeler ýaryñdan ogryn.
Ähtiñi pozmagam bolsada aýyp,
Aglama gijeler ýaryñdan ogryn.

Belki ykbal bizden aryn alýandyr,
Ýekeligi täleýmize baglandyr.
Seret bizde öñkiligem galmandyr,
Aglama gijeler ýaryñdan ogryn.

Señ başyñ öýmeli, a men uzakda,
Kalbyñ gyrma, goýma öziñ azapda,
Dogry, diñe ýeke dert bar ýürekde,
Aglama gijeler ýaryñdan ogryn.

Syrdaşym ýok, ahmyrlarym diýmäge,
Sebäbim ýok, başkalary söýmäge,
Unut meni, gynanma hem gynalma,
Aglama gijeler ýaryñdan ogryn.

Perman Halgylyjow