Gülden görkli, hem aý ýüzlim
Kalby tämiz, humaý gözlim
Käte aýan, käte gizlin
Şugün meni söýseň bolýar

Düşün, bile hoşdugyma
Sensiz göwre boşdugyna
Çydap ara daşlygyna
Şugün meni söýseň bolýar

Arzuw-uly, umyt-kiçi
Sabyr saňa kyndyr neçün?
Bagtdan dogjak günler üçin,
Şugün meni söýseň bolýar

Söýen ýürek köýmez ýaly
Aýralygam söýmez ýaly
"Düýnem bardy" diýmez ýaly
Şugün meni söýseň bolýar

Günler geçer düzüm-düzüm
Ömür bir gün öwrer ýüzün
Şoňa çenli diýjek sözüm
Şugün meni söýseň bolýar


Ylham GURBANALYÝEW