Seni özgelere görmezdim rowa
Sen diýipdiň "senden özgeler gowa"
Her alýan demiňe boljakdym howa
Başararmyň?!
Özge deme salyp git!

Haraba dek boşap galan tende men
Kemakylam, lalam, körem, ker-de men
Arzuw bilen arşda ýörün, ýerde sen
Başararmyň?!
Bir pursatlyk g:alyp git!

Aýna baksam bolşum üstümden gülýä
Düz ýolda "diýenleň" aýakdan çilýä
Kalbym "Keçpelegiň" sazyny çalýa
Başararmyň?!
"Bagtyň sazyn" çalyp git!

Akyl ýok.
Ýürek ýok.
Niçiksi deňlik?
Barsy sen tarapda, hiçisi menlik
Diňe bir ýatlama galypdyr senlik
Başararmyň?!
Şolary-da alyp git!


Ylham GURBANALYÝEW