Arada Hiayres agzanyň Nobatguly bilen Osman Ödäniň dialogyny goýanda, sypdyrman okadym we bizde-de beýle üýtgeşik pikirlenýän şahyrlarymyz bar ekenow diýip onun ugruna çykyp şu adamyň kitabyny ýükläp aldym. Aslynda goşgy bilen (onda-da häzirki döwrüň öwgüli goşgusy bilen) ugrum ýok, şu Nobatguly Rejebow diýlen şahyr-my ýazyjy-my onçasyny bilmedim ýöne, ýazan goşgulary hakyky zatlar barada aýdylýar. We bu adamyň fantastiki eser(bu türkmenlerde üýtgeşme) ýazýandygy üçin haladym. Türkmenleriň "fantezi" diýsegem ýalňyşmarys diýip pikir etýän.

Rok saz.

Rok-saz,
Pop-saz
Ýok munda ýok saz
Oklukirpi ýaly saçlak pyýada
Mikrofony gemrip, jynssyz gygyrýar.
Çuw-ýalaňaç bolup utanç haýa-da
Çygyrýar, sygyrýar, bagyrýar
Şalkyldaýar ýelinse yz göwüsler
Güjeňläp sagryny çyplaň uýlugy
Zair äheňinde iňlis sazyna
Çaýkanýar bulanýar iňlis guýrugy
Şaňňy saza asman-zemin yranyp
Jaý atylyp barýar wagşy aýdymdan
Göräýse Homeýnem gider ynanyp
Adamzadyň döränine maýmyndan
Kimse içýär ogşap ap-ak mämeden
Kim kimsäniň tumşugyny owradýar
Kim gaýtaryp ýatyr...
gadym Dionis
Biziň asyrmyzda maýmyn oýnadýar
Boýny ak bantikli mähnet gara it
Çepde çarşak bulgury çep penjede
Stoluň başynda aldygna içip
Bimany seredip otyr jenjele
Ýaşyn sylyp salpy gulagy bile
It içişip it içigip çyňsaýar
Adamzadyň wagşyýana meýlisi
Itiň itleç dünýäsine sygmaýar
Alajy ýok: ol ölmeýär, ýitmeýär
Başardanok başyn alyp gitmedem
Bu nä Dünýä adamlar-a itleşýär
Adamlaşýar, itlerem.

Nobatguly Rejebow, JEMŞIDIŇ JAMY kitaby.