Boz sähralar.
Günüň dogýan ülkesi.
Günüň batýan soňky deňzine çenli.
Aralykda ýatan sansyz diýarlar.
Sensiz niçe eýýamlary geçirdi.
Iki ýüzli döwür çarhyny aýlap,
Döwranyn eýesiz itlere berdi.
Seni ýa:t edýärin yzyňy yzlap,
Niçe müň ýyllap!
Arzuwladym eýýamyňy Oguz han!
Taryhçylar taryhyňy ýazypdyr,
Her niçik pozmaga çalyşsalar-da.
Adyň birmahalky parlak döwürde.
Bolşy ýaly goja dünýäň başynyň,
Goja şahly jygasyna dönüpdir.
Eşitdim adyňy gaýry dilliden,
Öwrendim töräňi gaýry dinliden,
Duýmandyrys, olar seniň adyňy.
Taryh kitabyndan aýyryp pozup.
Rowaýatlaň arasynda goýanyn.
Muňa seniň alty iner ogluňdan,
Ýigrim dört agtygyň bilinden önen,
Ýurdun bigäneleň eline berip,
Aňy göýdükleşen nesliň günäkär,
Muňa şu ýangynly bentleri gaşyn,
çytmazdan arkaýyn ýazyp oturan,
Özgäň aýdymyndan başga zat bilmän,
Saýrylaşyp giden dilim günäkär.
Güýz aýynyň soňky aýynda ýetişen,
Gyş kädisi ýaly pitikläniňde.
Daşdan çykan ses deý zarynlap giden.
Akyl almaz bu boş kelläm günäkär.
Hamala zeýrenseň peýda bar ýaly.
Her gün ahmyr bilen bolsa-da ekýän.
Käte-käte içim gysyp dulumda,
Tagzym etmek üçin or turup birden,
Mermer şähermiziň gaýra taýyna,
Öňki görmegine görk goşup duran,
Mäkäm gysyp sary ýaýyň okuny,
Garaşsyz ýurdumyň şuglasy siňen.
Nurana heýkeliň öňüne baryp,
Seň döwrüňe gitmek isläp aglaýan.
Iman edip Gök Taňrynyň birligne,
Hem-de seniň Allaň ilçisidigňe,
Şaýatlyk edýärin halkyň birligne.
Gaýtadan dikeldip şanly adyňy,
Taryhy täzeden ýazasym gelýär.
Belki şonda bizden bimaza bolup,
Niçe müň ýyl bäri bialaç halda.
Daşymyzda mydam pelesaň urýan,
Eziz ruhuň mundan biraz beýgeler.
Nazar salyp alyslardan halkyňa,
Ganat, ylham, kuwwat berersiň atam.
Güýç berersiň dünýäň ähli türküne.
Belki şonda oguzlaryň ýoluna,
Bent edilip goýlan ähli zatlary,
Syryp-sürüp ýok ederis bigüman.
Şonda seniň paýhasyňy ýaýarys.
Birmahalky ýaýan Taňry dininden.
Aýry däldigini bilip Yslamyň,
Dünýäň ähli ezilen musulmanlary,
Jemlenerler Oguzlaryň daşyna.
Duşman öz-özüniň etini iýer.
Şagallar dep bolar Ýeriň ýüzünden.
Aňňytlaryň arkasynda zarynlan
Möjeklerem uwlasyn goýarlar...
Birmahallar Ergenokon dagyny,
Parran baryp çykan Oguz kowmuna,
Gök böriler gitjek ýolun görkezer.
Ruhuň bilen göge galar oguzlar.
Türk,
Gagauz,
Azerbeýjan,
Türkmenler.
Düşünip ganybir dogandygyna.
Türküstan ilinde toýlar toýlarlar.
Mert pederleň ruhy janlanyp ýene,
Ärligiň gaýratyn gaýnadyp ganda.
Çingiz hana jogap edip çykarys.
Meňburnynyň aryny-da alarys.
Osmanlylaň aryny biz alarys.
Alarys biz Türküstanyň aryny.
Nesillere öwrederis baryny
Seniň ajap ol mübärek adyňy.
Göwni galkyp çykar şahyr Şeýdaýy.
Gözel ýigrim bäşiň wapsyn etmäge,
Öwreneris boş ýitirmän wagtymyz.
Dikelderis miras goýan tagtyňy.

05.07.2017.

@Jeksparro