Seň belgiňi "Yşkym" diýip belläpdim,
Arzuwlarmyň wysalydy gözleriň.
Gijeler pyşyrdap aýdan syrlarym,
Sen düşnüksiz düýşleriňden gözlegin.

Gözlegin durnalaň näz edişinden,
Haýaň ötülmedik bosagasyndan,
Özüme çalymdaş utanjaň ýigdiň,
Ýaryna ýetmedik şol posasyndan.

Ýüregim urýarka bolmazam asyl,
Bizden bagtlyň barlygyna ynanmam.
Bizi bile görüp özün ýitirdi,
Bagtyň özi bagtdygyna ynanman.

Ýöriteläp duşurmandy ykbalam,
Söýgi işleriniň tötänlik bary,
Gark bolmagy arzuw edip ýaşaýan,
Umman gözleriňde Titanik ýaly.

Duýgulamdan syzyp çykan duýguçyl,
Eý, söýgä meňzeşim,
aglak melegim,
Seni beren jomart ykbal sag bolsun,
Ýerde gowşan asmandaky dilegim.

Maksat ESENOW.