Ýene bir enaýy ýylgyrdy gözel
Adyny soradym diýdi ol "Gözel "
Dünýämiň diregi Dürligözelim
Gör adyňam Gözel , özüňem gözel

* * *

Sergezdan men , seň yzyňda it menem
Gel boýnuma zynjyr salda it menem
Ýok, it deý wepaly bolup bilmerin
Iň gowysy bir çukura it menem

* * *


Gijämde Aýym sen, gündizimde Gün
Sensiz ýyla döndi her bir geçen gün
Aý bu bagtymyza aýdyňlyk berse
Söýgümi gyzdyryp gyzaryp dur Gün

* * *

Gel ýanyma gel Senem
Söýdüm seni söý senem
Şeýdip bagtly bolarys
Ikimizem menem senem

* * *

Bir gün dosdym ýanna çagyrdy meni
Diýdi "Ýeňip bilersiňmi sen meni"
Ony ýeňdim hiç ýeňlesim gelmedi Ýeňdim ony ýeňmedim hiç "Men-meni"

* * *

Ýap -ýaňyja gyzaranja tup-turşyja alma sen
Seni senden gabanaryn , meni menden alma sen
Nüçün ýürek jigläp gidýär şol ady eşdenimde
Çünki çagalyk söýgüm Çary gyzy Alma sen








Gerçeknazar Amannazarow

Çeşme : bloglar.7wk.ru