Görüşeli

Gurbany men syýa zülpiñ,
Gel, söwdügim görüşeli.
Bu gün aşýanyña geldim,
Gel, söwdügim görüşeli.

Jismimden ýitendir takat,
Öpsem diýe, gaşyñ bat - bat,
Sensiz gijäm geçer tukat,
Gel, söwdügim görüşeli.

Görmän gitmen, jemalyñy,
Örmän gitmen, zülp taryñy,
Bagra basaýyn, ýar seni,
Gel, söwdügim görüşeli.

Sallanyp çyksañ öýüñden,
Müñ hyýal geçer köýüñden,
Äkitmen, çykar oýuñdan,
Gel, söwdügim görüşeli.

Rehmiñ gelsin ahwalyma,
Öwrülmegin sen zalyma,
Dilim ýetsin, leb balyña,
Gel, söwdügim görüşeli.

Şirnazar Taganow