Ýüregim sensiz ot elek,
Eden işim bolýar telek,
Meniň ýüzüme şum pelek,
Gülersiň özä bir güni.

Keşbiň çekdi garaçygym,
Özüm bilen göreşenim,
Umyt baglap garaşanym,
Gelersiň belki bir güni.

Ýaşa baglap gara gözüm,
Hijranlara urdum özüm,
Eý söwdügim söýgi sözüm,
Alarsyň özä bir güni.

Söýgiň meni etdi merdem,
Aýrylmarsyň hyýal serden,
Gije gündiz çeken derdim,
Bilersiň özä bir güni.

Aşyk arzuwyňda gezer,
Garaşar bize yşk güzer,
Men garyba ýeke nazar,
Salarsyň özä bir güni.

Gara gözleri humaýym,
Sensiz dogmaz günüm aýym,
Nesipli gün meniň taýym,
Bolarsyň özä bir güni.

Süleýman Tekäýew