***
Meniňem söýmäge hakym bar bolsa,
Hem söýgimi aýamaga bir ömür:

Her säher-de keşbin birjik üýtgetmän,
Goňşymyzyň melleginden jyklaýan,
Güneşi söýjek.

Kakamyň gabarçak-gabarçak elin,
Ejemjanyň aladaly keşbini,
Sesini söýjek.

Göleli sygrymy, towuklarmyzy,
Her gezek görende mäläp çagyrýan,
Geçimi söýjek.

Okuwdan gelemde, allowarradan
Guýrugyn bulaýlap öňümden çykýan
Güjügmi söýjek.

Uly bolmasa-da, bagly-bakjaly,
Kekeneli, kebelekli, gurçukly
Mellegmi söýjek...

Meniňem söýmäge hakym bar bolsa,
Söýmegi öwretmäň, özümçe söýjek.

Wepa Pirnepesow