Tanadyňmy meni, aýtsana?!
Göwni joşgun bahar-da men.
Gül yşgynda, gün yşgynda,
Saýrak dilli Bilbil-dä men.

Ummanlarda ýüzüp ýören
Bir dymmaja balyk-da men.
Sebäp tapsam öýkelegen,
Çaga ýaly lälik-dä men.

Söýýän obamyň säherin,
Garagumly Garagyz men.
Kalbynda gussa ornaşan
Her ýapragy sary Güýz men.

Käte uçýan guşlar ýaly
Gunça açýan gürletseler.
Söýýän mährem ynsanlary,
Ýürekdeş men syrlaşsalar.

Näme diýseň gelşer maňa,
Awara göwni çöllerde
gezýän yşkdan bir däli men.
Ýöne anyk boýun alýan
Şahyr däl men.