Ýürek boldy para para,
Hoş gal diýip söýen ýara,
Gara gözlim senden ara,
Açanymda ýatla meni.

Men yşgyňda şeýda bilbil,
Gaşlary ýaý saçy sümbül,
Bahar gelip gunçalar gül,
Açanynda ýatla meni.

Güýzüm gelip dymar toprak,
Ylham söýgä dolar kükrek,
Agaçlardan sary ýaprak,
Gaçanynda ýatla meni.

Unutmasaň borla herne,
Gidip duşman gybat şerne,
Gykuwlaşyp gökden durna,
Geçeninde ýatla meni.

Sensiň asmanymyň aýy,
Sen ömrümiň bagt paýy,
Säher bilen gökje çaýy,
Içeniňde ýatla meni.

Aksa aksyn gözden ýaşlar,
Gelmese bor gara gyşlar,
Ýurtdan ýurda saýrak guşlar,
Göçeninde ýatla meni.

Aldyň sabr takatymy,
Jemläp ähli dykgatyňy,
Ýazan hatlarmyň gatyny,
Açanyňda ýatla meni.

Süleýman Tekäýew