Söýmeseñ-de ýatla meni

Söýmeseñ-de ýatla meni bir pursat,
Ýöne men söýerin, biçak söyerin.
Atyp ähli derdim çökýänçã gursak,
Köz deý sönüp, ýene ot deý ýanaryn.

Söýmeseñ-de ýatla meni ýylgyryp,
Hawa, ýylgyr, men hem sessiz aglaýyn.
Diri halda arzuwlarymy gömüp,
Geljegimi sensizlige baglaýyn.

Söýmeseñ-de ýatla meni mydama,
Köpdir ýatlamaga menden alamat.
Şol pursat ölsem-de, Hudaýa şükür,
Gezip ýörün janym sag hem salamat.

Söýmeseñ-de ýatla meni, haýyşym,
Indi söýýän diýip hijem ses etmen.
Belki has gowydyr menden durmuşyñ,
Ýöne, belle hiç söýmekden bes etmen.

Awtor: Jemşit Hajymämmedow