BAHAR, GUŞLAR HEM-DE MEN

Bahar ýene telwas edip ýylgyrdy...
Dowul turdy guşjagazlaň kalbynda.
Elewreşip bir özleri bar ýaly,
Boluşlarnyň beräýmek kyn salgyn-da.

(Meniňem nä şo-ol oýunçyl göwnüm-dä)
Guşjagazlaň için ýakyp sygyrýan.
Bu bolşumdan köşeşjek deý, hamana
Käte-käte depin kakyp toý gurýan.

Bu yşgymdan, gylawymdan bihabar,
Guşjagazlar bolsa gabanýar ýazy.
Ine, onsoň şo-ol bäsleşip otyrys,
Şol bir gyzy söýen aşyklar ýaly.

...Şeýdip guşjagazlar menden galanok,
Menem olardan.

Wepa Pirnepesow