WAH...
Ýadyma düşende irde-giçde-de,
Biziň ýodamyzyň birikmejegi,
Armanlardan saplanýan deý «hiç-le-de»
Diýýänem «hiç» ýöne ýürek seçegi –
gyrylýa-da.
Şonda-da men saňa garaşyp ýörün,
Saňa – «Gelmez» diýýänlere ynanman.
Goý, sen gelme, ýöne ýalňyz haýyşym,
Şol «Garaşmaz» diýýänlere ynanma!
Dogry, süýt deý ak gije-de suwlanyp,
Daňa deňiç damyp gutar gor küýzä.
Bulutlaryň arkasynda duwlanyp,
Ýyldyzlaram bu gijeler gorkuzýa.
Dumanlan aýnamy durlaň, Ýellerim,
Asman-a durlanmaz indi – guýmasa.
Gözýaşlarym özüň süpür, Ellerim,
Goý, olary ýaglyklaram duýmasyn.
✏Laçyn PÜRJÄÝEWA
Biziň ýodamyzyň birikmejegi,
Armanlardan saplanýan deý «hiç-le-de»
Diýýänem «hiç» ýöne ýürek seçegi –
gyrylýa-da.
Şonda-da men saňa garaşyp ýörün,
Saňa – «Gelmez» diýýänlere ynanman.
Goý, sen gelme, ýöne ýalňyz haýyşym,
Şol «Garaşmaz» diýýänlere ynanma!
Dogry, süýt deý ak gije-de suwlanyp,
Daňa deňiç damyp gutar gor küýzä.
Bulutlaryň arkasynda duwlanyp,
Ýyldyzlaram bu gijeler gorkuzýa.
Dumanlan aýnamy durlaň, Ýellerim,
Asman-a durlanmaz indi – guýmasa.
Gözýaşlarym özüň süpür, Ellerim,
Goý, olary ýaglyklaram duýmasyn.
✏Laçyn PÜRJÄÝEWA
1комментарий
Чтобы оставить комментарий, необходимо на сайте.
