Ýol gözegçi, ýaman haýyş edýärin,
Sen meni saklama, maşynym köne.
Degmeseler, öz ýoluma gidýärin,
Saklasaň, belli däl, maşynym köne.

Tormoz basaň, hemme tekeri tutmaz,
Rulunda boşluk bol, diýeniň etmez,
Saklanansoň, öňki ýoluna gitmez,
Deň ýary işlänok, maşynym köne.

Lampalary köýen, ýarysy ýanmaz, Öçürdügiň, iki günläp otlanmaz,
Kömek bermä hiç kim golaýma gelmez,
Durdugy, –ýatdygy, maşynym köne.

Gazyny gowşatsaň, derrew öçýändir, Muftusy ýok, skoro kyn geçýändir,
Benzini köp ýakyp, ganym içýändir,
Saklama gardaşym, maşynym köne.

Karbýurator hapa, sazlap bolmaýar,
Togy ýitse, gaýdyp gözläp bolmaýar,
Saklasaň, kemini gizläp bolmaýar,
Saklama, polis dost, maşynym köne.

Külçäteli bozuk, poworody ýok,
Çyra ugry ýanmaz, prowody ýok,
El tormoz, apteçka, asyl ady ýok,
Taýajygňy ýatyr, maşynym köne.

Muny münen «maňlaýyndan» görjekdir,
Gyz-gelinler münse, diýýär: «Ýer çeksin!»,
Prawamy indiki ýyl berjekler,
Sen meni saklama, saklama ýöne.

Çary şahyr, sözün çyndan diýdigi,
Şuny münse, diýmek, jandan doýdugy,
Gözem seni saýgaranok idili,
Äsgermedi diýip çaklama ýöne!

awtory: Çary Aýnazarow