Tüweleme.

Aglama indi

Nüçün beýle ejiz bolýar ýürekler
Aglama ejemjan aglama indi
Maňa bu gün başga hiç zat gerek däl
Aglamasaň bolýar aglama indi

Ýene-de ýatyryn hassahanada
Gürleşeli süýji günler barada
Belki soňky günüm soňky sagadym
Aglama ejemjan aglama indi

Bu durmuşda ýaşa mydam hezil etde
Gysga ömrüň geçirme sen ezýetde
Nesip bolsa duşuşarys jennetde
Aglama ejemjan aglama indi

Gerçeknazar Amannazarow .

Agşam ara çagy

Gör inhä ýene -de Gün ýaşyp gelýär
Gör inhä ýene-de garalýar asman
Agşam ara çagy ajaýyp bolýar
Synlaýan dünýäni ýüregim gysman

Ýyldyzlar görinýär ýuwaş -ýuwaşdan
Hanha Aý hem ýere şöhlesin saçýar
Ajaýyp wakalar geçip dur başdan
Nüçin gowy günler howlugyp geçýär

Gündogar şemaly saçymy sypap
Özine çekýärdi ajaýyp keşbi Agşam ara çagy dünýäni synlap
Agşam ara çagy ýazýaryn goşgy

Gör ne gözel asman ,gör ne ajap gün
Gerçek gözellikden ganmaýar göwin

Gerçeknazar Amannazarow

Aýralygyň aýdymy

Paraladyň kalbymy
Harladyň hyýallarym
Geçdi söýgi salgymy
Ýapyk saňa ýollarym

Nüçin meni söýmediň
Birje hoş söz diýmediň
Öň halymy duýmadyň
Indi hem duýaýmagyn

Ynsan kalbyny jeňde
Goýup bormy eýsemde
Indi meni söýseňde
Söýýärin diýäýmegin

Bakma gözde ýaşyma
Gyýylma aglaýşyma
Besdir girme düýşime
Armanda goýaýmagyn

Artyk söýseňde çyndan
Saňa ynanmaryn men
Yza dolanmaryn men
Öziňem geläýmegin

Söymegin,söyaymegin.

Gerçeknazar Amannazarow

Islediň sen şu çaka çen meniň bilen hoşlaşmany
Her dürli bahana bilen menden baky daşlaşmany
Sendiň jigerimiň jany,boldyň kaşbymyň duşmany
Hasrat çekip,göz ýaş döküp çekýärin çensiz puşmany

Ýa ýalanmy aýdanlarym aýt seň söýgüň ýalan dälmi?
Saňa ýazan aýdymlarym sensizlikde aglap galdy
Göwün berip söýen gülüm bu gün söýgüsinden dändi
Töweregim tümlik maňa durmuşum dowzaha döndi.

Dogry menem juda akmak ýalňyşym kän düşünýän
Bu gün sensiz ýalňyzlykda galanyma ökünýän
Sözle söýgülim maňa nähili seň düşünjäň
Kalbymdaky duýgylarmy geçdiň gitdiň düşünmän

Gerçeknazar Amannazarow .

Aýdym üçin goşgy ýazmaly bolsa aýdaýyň mesele däl

Aýtsana

Bägül meni hiç wagt söýmediňmi aýtsana
Gerçek men seni söýýän diýmediňmi aýtsana
Gijelerine düýşüňde görmediňmi aýtsana
Ýa-da meniň söýgümi duýmadyňmy aýtsana

Gündizlerne görmesem gijelerne bikarar
Günde görsem gül ýüzüň men bagtyýar,bagtyýar
Seni söýýän ýürekden çyn söýgi baky ýaşar
Kalbymdaky duýgymy duýmadyňmy aýtsana

Bägül seniň şanyňa ençe goşgy ýazardym
Hem daşyňdan guwanyp seni söýüp gezerdim
Ynan saňa gerek bolsa şirin janym dözerdim
Ýa seni söýmelsi ýaly söýmedimmi aýtsana

Gerçeknazar Amannazarow

Derdime derman

Men saña söýgimi aýdaýyn nädip?
Günler geçip barýar ömrimden gädip
Birje gezek görsem lebiñden dadyp
Bu ýa$ ýüregimde galmaýar arman

Gözleñ derdime derman
Sözleñ bagtyma perman
Ynan ýa$ap bilmerin
Söýgilim seni görmän

Ýüpek deý ýum$yk näzijek eliñ
Bilbilimen ýañja açylan gülüñ
Isleseñ gapyñda bolaýyn guluñ
Gel meniñ melegim bes maña perman

gaýtalama:

Kalpdaky sözlermi getirsem dile
Söýgimiz sowrulup gitmesin ýele
Gel durmu$ guraly ýa$aly bile
Her gün $onuñ üçin i$leýän durman

Gerçeknazar Amannazarow

Eziz klasdaşlarym

Ýada düşýär ýenede şol ajaýyp günlerim
Ýada düşýär ýenede meniň mekdep ýyllarym
Unutmaryn men sizi Sizem unutmaň bizi
Belent bolsun başlaryň,eziz klasdaşlarym

Ol gyzlar geçip gitdi bir ajaýyp düýş ýaly
Oglanlar -gyzlar bolup oýnaýardyk walboly
Bir-biregi söýerdik ,dogan ýaly görerdik
Ol gyzlaryň yzynda bolardyk meždun däli

Bu gün bolsa zalym pelek bir-birekden
aýyrdy Herimizem özimizem bir kär tutdyk haýyrly
Käbirlermiz talyp bolup täze okuwa girdik
Soňra ýarymyz bilen bagtyýar döwran sürdik

Ýada düşýär ýenede şol ajaýyp günlerim
Ýada düşýär ýenede meniň mekdep ýyllarym
Unutmaryn men sizi ,sizem unutmaň bizi
Belent bolsun başlaryň Uzak bolsun ýaşlaryň
Oňna bolsun işleriň Eziz klasdaşlarym

Gerçeknazar Amannazarow

Kalbymdaky yşk

Ag$am ara uwlaý$y deý $agallañ
Uwlasam sönermi kalbymdaky y$k
Dag etekde $uwlaý$y deý $emalyñ
$uwlasam sönermi kalbymdaky y$k

Sendiñ birje sözde göwnimi alan
Sensiñ birje sözde kalbymy dilen
Sessiz aglasadym göz ýa$ym bilen
Suwlasam sönermi kalbymdaky y$k

Derdim agyr däri -derman etmeseñ
Ýetmez sabyr meni goýup gitme sen
Täze $ygyr täze aýdymlar bilen
Güýmesem sönermi kalbymdaky y$k

Bes seni unutdym $ol günden bäri
Barýaryn men täze "Gerçege" sary
Geçmi$i unudyp geljege sary
Süýnmesem sönermi kalbymdaky y$k

Gerçeknazar Amannazarow.

Ýene-de dowamy käääään...

Ýatlama aýdymy

Göz ýaşlarym diňmeýär
Akýar gözden silsuw bolup
Galdy ajy aýralyk
Ýüregimde köz bolup

Sen göwünleň soltany
Sendiň ömrümiň ýazy
Diňmeýär hiç diňmeýär
Ýaş kalbymyň owazy

Gözüm ýaşly çalýaryn
Bu gün aýralyk sazy
Gitdiň sen ýetim goýup
Iki ogul iki gyzy

Gitdiň pany dünýeden
Kalplarda goýup közi
Diňläp zaryn mukamy
Ýatlaýan Şanyýazy

Maşgalaň daýanjydyň
Arkamyzda jan pena
Gözlermiň guwanjydyň
Sendiň dilmizde sena

Keçpelek saldy başa
Agyr ajyly güni
Jan jigerim Şanyýar
Ýalkasyn Allam seni

Ýüreklerde ýaraly
Galdy Şanyýar adyň
Çekýär bu gün çagalaň
Seniň ahy -perýadyň

Dört garagöz çagalaň
Otur gözlerin ýaşlap
Ýanýoldaşyň Sähragül
Aglaýar seni ýatlap

Kyrk ýaşyňda gitdiň sen
Bu ýalançy dünýeden
Jennetde jaýyň bolmagny
Dileýäris Alladan

Gerçeknazar Amannazarow

Maňa söýýän diýme janym

Maňa söýýän diýme janym ,
Duýaýyn seň gözleriňden.
Bagyşlasaň bahar-ýazyň,
Gyşyň özgä dözmerin men .

Maňa söýýän diýme janym ,
Gizle ony gursagyňda.
Bagş et maňa yşgyň jamyn,
Gaýnap dursun gursagymda.

Hakdan gelen päk duýgyny,
Gorap başar il gözünden.
Duýaýyn gizlin duýguňy,
Her halyňdan,her sözüňden.

Beýle kän näz etme janym ,
Saňa sadalyk ýaraşýar.
Ýör gideli mähribanym,
Bagt köşgi bize garaşýar.

"Seni çensiz söýýärin men"
Diýp düýşde güýme janym .
Aýtmasaňam bilýärin men ,
Maňa söýýän diýme janym .

Gerçeknazar Amannazarow .

Owadanjama...

Enaýy garaýşyň bilen
Aldyň elden erkimi
Bakyşyň bagrymy diler
Güjeňläp gül görküni

Güldenmikä döreýşiň
Guwa meňzär garaýşyň
Tawus kimin ýöreýşiň
Haýrana goýar her kimi

Söýgüm sygmaz dessana
Göwnüm sygmaz asmana
Intizar birje görmäne
Güle meňzeş görküni

Kän gezdimle ýalbaryp
Goýaýsana dilberim
Ellerimde elleriň
Gözlerimde gözleriň

Sen meniň geljegim diý
Ömürlik söýjegim diý
Gelsene Gerçegim diý
Sözle süýji sözleriň

Gerçeknazar Amannazarow

Söýgi aýdymy

Söýgide ynamsyzlyk bolup bilermi ?
Ýürekler söýgüsiz oňup bilermi ?
Ýary ýara duşuran gözel Allahym
Adamy Howasyz goýup bilermi ?

Ýene oýlanýan ýene
Çaga wagtymyz bile
Goýup elleri ele
Oýnaýardyk bileje

Nirde galdy o günler
Aýra düşdi göwünler
Allahym gözel ömürler
Nesip etsin bizede

Seni menden aýra salan Allahym
Indi gaýdyp duşurmazmy ýollarda
Indi gaýdyp baglanmazmy ömrümiz
Niçik ýaşap ýörüs biz bu hallarda ?

Kalbyma ot salan senli ýatlama
Ýatlamada gözlem dolýar ýaşlara
Ýürekdeşim ýitip gitdi ýat ýere
Klasdaşym nesip etdi ýatlara

Ine oýlanýan ýene
Okuwçykak biz bile
Söýgi sözleri diňe
Sözleşýärdik bileje

Nirde galdy o günler
Gamda galdy göwünler
Ömri gaplap ümürler
Ýöräp barýas çalaja

...Allahym gözel ömürler
Nesip etsin bizede

Gerçeknazar Amannazarow

Sen bilen bir ýassykda

Güllesin päk söýgümiz
Sen bilen bir ýassykda
Bolmasyn hiç gaýgymyz
Sen bilen bir ýassykda

Arzuwym kalbymdaky
Söýgümiz bolsun baky
Ýaşasam ömür baky
Sen bilen bir ýassykda

Owadan sen göýä hüýr
Diýme maňa entek ir
Ýaşaşaly agzybir
Sen bilen bir ýassykda

Sen bezediň dünýämi
Sensiz dünýäm tüm ýaly
Ýatsam undyp dünýäni
Sen bilen bir ýassykda

Gerçek aýdar gel Senem
Seni özgä dözmenem
Armanym ýok ölsemem
Sen bilen bir ýassykda

Gerçeknazar Amannazarow

Garaja gözli şokoladym
Enaýyja eýjejigim
Naşyja gowja zadym
Süýjüje kökejigim

Ýöreýärsiň aýnap-aýnap
Diwana men yzyňda
Aýdym aýtsam sen tans oýnap
Sensiň aýdym sazymda

Baý bujagaz lälijegi
Balalaň balajygy
Lowur-lowur luwurdaýar
Başynda ýalyjagy

Baý , baý , baý balajygy
Dillije dälije gyz
Göwnümiň halajagy
Ýok seniň ýalyja gyz

Baý , baý , baý balajygy
Kejirje çagajygy
Näzigim näzijegim
Läligim lälijegim

Buýra -buýra saçlary
Aldy akyl huçlary
Dürdänedir dişleri
Ýaý ýalydyr gaşlary

Owadanja gurjajygym
Eýjejik hem ýaşajyk
Rugsat ber seniň bilen
Ömür baky ýaşajak

Gerçeknazar Amannazarow

(25.10.2023)

Üç aý boldy jemalyňy görmänim
Ýylgyryp ýanyma gel Oguldürlim
Derdim köpdir sensiň meniň dermanym
Dertlermiň dermany bol Oguldürlim

Oguldürlim sensiň bagtymyň güli
Senem söýýäň , menem söýýärin seni
Dol dünýäme beze meniň ömrümi
Ömürlik ýanymda gal Oguldürlim

Toý tutaly maý aýynyñ bašynda
Ýok "Ýok" diýme çytma gözñi gašyñda
Hušumda, düýšümde , hemme išimde
Mydam kalbymda sen bil Oguldürlim

Gel Dürli her dürli söhbet guraly
Gel Dürli her dürli döwran süreli
Gel Dürli her dürli oýun guraly
Bassana bagryña bol Oguldürlim

Aýdym aýdyp ýadamaýyn sen hakda
Syrly söýgi gaýnasyn goý gursakda
Ýakma ýüregimi naýynjar bakma
Duýguly dünýäme dol Oguldürlim

Gerçeknazar Amannazarow

Agam her gün bir iki goşgyňy goýanyňda ýaltanman okardyk.Hemmesi bir blogda bolsa ýaltandyrýa okamana.

Ýaltanmaýan wagtyň okaý ertir ýenede goýjak aýdym üçin ýazan goşgylarymy.

Her gün birini goýsaňz gowyda bu mowzyk aşak düşýä soň üns berlenokda agam.Şondan diýdimle.

Gowy goşgularyňyz bar ekenä.

Birinin goshgusynda yatlama bolup galmagy yigrenyan

Başgada kän goşgylarym şu salga girde okaý

https://sites.google.com/site/gerceknazarvariotikcom/

Saňa garaşyp ...

Şu wagt hem ýadymda
Goşgylarym ýanymda
Garaşýardym men saňa
On dokuzyň ýarynda

Seni söýýärdim gaty
Ýanymdady suraty
Saňa garaşýan diýip
Ýazypdym salam haty

Kän garaşdym gelmedi
Ýa hatymy almady
Meni ýada salmady
Gelmedi ýar gelmedi

Birje pursat gelsedi
Wah bolardym şadyýan
Gsraşýaryn men saňa
Garaşýaryn ýadaman

Geläýsedi ýanyma
Goşgy aýdyp bererdim
Soňra elinden tutup
Bagt köşgüne barardym

Pyşyrdaşyp bileje
Ýöräp gitsek çalaja
Allajan şeýle günler
Nesip etsin bizede

Gerçeknazar Amannazarow

Agam şolar ýaly şahsy web saýdy nädip açyp bolýaka

Gaty gowy telefonyň ýa-da kamýuteriň bar bolsa google sites-den açyp bolýar . Bu saýty men 2018-de açdym we şu wagtam açylgy dur.

Türkmen diline geçirip bilmedim men arada açan boldym.Ýa wfi gerek bolýamyka.

Elde tutarryklaram bar ekenä agam. Ýöne hemmesi beýle däl. Üstünlik