Gözleň gülmi, görküň gülmi gözelim?
Görküňe görk goşýar gara gözleriň.
Gözel görküň görüp güýz günlerinde,
Goşgy goşdum göz gezdirip görsene.

Gel gurban gözüňe gözmüň garasy.
Goýup gitme gaýgy-gamda galdyryp.
Geleriňe garyp göwnüm garaşýar
Gel gaşyma gözleriňi güldürip.

Gije-gündiz geleriňe garaşýan.
Gelsene, gel gül görküňden ganaýyn.
Garaş, ganatlarym galgadyp gökden,
Gaýyp göni gujagyňa gonaýyn.

Gelmeýärsiň, gujak gerip garaşsam.
Gel gülim göwnümi gamlarda goýma.
Gyzyl gülim gözel görküňi gizläp,
Gelmän, gaýta gülip, göwnümi gyýma.

Gaýgy-gamdan gutar, gynama göwnüm,
Gursagymda gam-gussalar galmasyn.
Gaýry gözellere gitmesin göwnim
Gaýry gözellerden göwnüm ganmasyn