12 ýaşlyja gyzjagaz kakasy bilen bir öýde ýaşaýardy. Günleriñ birinde gyzjagazyñ kakasy oña işde eglenmeli boljakdygny we gijäñ ýary öýe barjakdygyny duýdurdy. Gyzjagaz oña garaşyp ukusy tutup ýatyp galypdy. Gyz gije geñräk bir düýş görüpdi. Düýşünde kakasy ýoluñ beýleki tarapynda durup oña birzatlar gygyrýady. Ol zordan "Gapyny...açma" diýen sözleri eşidip galdy. Şu sözlerden soñ gyzjagaz gapynyñ jañyna oýanyp, ýerinden turup gapa tarap ylgady. Baryp gapynyñ glazogyndan seretse kakasynyñ ýüzini gördi. Gapyny açjak bolup durka gyzjagaz ýañky düýşini ýatlady, kakasynyñ hem ýüzi geñräk görünýädi. Ol biraz säginip, aýak çekdi. Gapynyñ jañy ýene ĵyñyrdady:
- Kaka?
Jyñyr, jyñyr, jyñyr
- Kaka, jogap beräýdä
Jyñyr, jyñyr, jyñyr
- Ýanyñda biri barmy?
Jyñyr, jyñyr, jyñyr
- Kaka näme üçin jogap bereñok? - gyz aglajak aglajak bolup durdy.
Jyñyr, jyñyr, jyñyr
- Kaka, jogap berýänçäñ açjak däl.
Gapynyñ jañy yzyny üzmän jyñyrdaýady, emma kakasyndan hiç hili ses çykanokdy. Gyzjagaz gorkujyndan ýaña girelgäniñ burçunda gysylyp otyrdy. Bu ýagday birnäçe sagat dowam etdi. Gyzjagaz nädip uklanyny bilmän galdy. Säher dañynda gyzjagaz oýanyp gapynyñ jañynyñ sesiniñ ýatandygyny añdy. Ýuwaşlyk bilen gapa tarap ýöräp, birdenhä glazokdan seretdi. Seredip görse kakasy gapynyñ daşky tarapynda duran ýerinde durup gyza tarap seretýärdi. Gyz emaý bilen gapyny açdy we gorkujyndan ýaña zähresi ýarylyp gygyrdy. Glazogyñ gözýetim derejesinde kakasynyñ kesilen kellesi gapa çüý bilen kakylypdy. Gapynyñ jañynda bolsa "Akyllyja gyzjagaz" sözler bilen hat gyssyrylyp gidilipdi