Joşsun, gök asmanym! zemin ýüzüne,
Ene ýere - bu gün, ýaz ýagşy gerek.
Her bir damja, nura dönsin gözüñe,
Gelmese sowuk, gyş bolma derek,
Ülkä bereketli, ýaz ýagşy gerek.

Käte göwünleriñ galan posuny,
Aýyrmaga belendini pesini,
Emma, ýüreklerin käbir sesini,
Arassa howada diñlemek gerek,
Şol tämiz howaly, ýaz ýagşy gerek!

Aşyk magşugyndan aýrylan çagy,
Ýürekde hasraty, gözünde agy,
Dertleşen, syrlaşan, miweli bagy,
Gyşyñ, ukysyndan oýarmak gerek,
Janlanmagy üçin, ýaz ýagşy gerek!

Tebigata derman, bolary ýaly,
Daglaryň, çölleriň güleri ýaly,
Guşlaryň saýraýyp durary ýaly
Olaryñ sesini küýseýär ýürek
Aram aram ülkä ýaz ýagşy gerek

( 2023 ) ýyl.