Men komplekslerim bilen bagtly.
Dogry, siz meni logikasyz hereket etdirmegiňiz mümkin. Barybir men siz bilen bagtly. Nädeýin, başga ýollar maňa ýat. Bu-da garaňky. Aýagyň çekenok. Ýüregiň çekenok. Galyberse-de, beýniňem çekenok. Tutuş düýrmegiň bilen öz şahsy aňyňa hem bagly bolmadyk bir ýerden ýöreýäň. Muňa Şopengaueriň dilinde nähilidir bir güýç, erk-erada diýsek, Freýdiň dilinde aňastymy(üstimi), bir zat öz-ä, dinde ýazgyt. (Aslynda hemmesem şol bir nahar barada aýdýar, emma atlary üýtgeşik). Aňyň daşyndakylary aňyňa getirmegi başaraýanyňda hem, barybir hälki aňsyzlygyňdaky geçen ýoluňy küýseýäň. Sebäp, o ýol saňa tanyş we bu eýýäm garaňky bolmaýar. Şu ýerde özüni bejerdesi gelmeýän şizofrenlere düşünýän. Hersiniňki tapawutly. Käbiri daşky dünýä ähli erbetlikleri, pislikleri tanaýandygy üçin gaýdyp gelesi gelmez, hyýalynda ýaşasy geler. Käsi hyýalyndaky zatlary tanaýandygy, daşky dünýäni tanamaýandygy üçin gelesi gelmez. Ol özüniň şol keseli bilen bagtly. Bagtly, söýüp-söýlüp, rahat ýaşamak üçin şu keselden başga tutarygy ýok. Komplekslerden saýlansaň has bagtly duýaýjak ýaly özüňi, emma ýok. Belki-de wagtlaýyndyr. Belki-de olarsyz ýaşamaga hem endik etmelidir, o ýaşaýşy hem tanamalydyr. Bu eýýäm öz saýlawyň. Ýöne adaptasiýa o diýen aňsadam däl. Sepgitde, aralykda galmak kyn. Ne yza dolanyp bilýäň, ne-de öňe...
17комментариев
Чтобы оставить комментарий, необходимо на сайте.
